ନବୀନ ପାଇବେ ‘ଆଦର୍ଶ ମୁଖ୍ୟମନ୍ତ୍ରୀ’ ପୁରସ୍କାର
ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଆସନ୍ତା ୨୧ ତାରିଖରେ ମହାରାଷ୍ଟ୍ରର ପୁନେ ସହରସ୍ଥିତ ଏମ୍ଆଇଟି-ଡବ୍ଲୁପିୟୁ ସରକାରୀ ଶିକ୍ଷାନୁଷ୍ଠାନରେ ‘ଆଦର୍ଶ ମୁଖ୍ୟମନ୍ତ୍ରୀ’ ସମ୍ମାନରେ ସମ୍ମାନିତ କରାଯିବ। କ୍ରାନ୍ତିକାରୀ ବିଚାରଧାରା, ସ୍ୱଚ୍ଛ ଶାସନ, ଭ୍ରଷ୍ଟାଚାର ବିରୋଧରେ ଲଢ଼େଇ, ଓଡ଼ିଶାକୁ ଏକ ଆଦର୍ଶ ରାଜ୍ୟ ଭାବେ ଗଢ଼ି ତୋଳିବାର ପ୍ରତିଶ୍ରୁତିବଦ୍ଧତା ଏବଂ ବିଶ୍ୱସନୀୟତା ପାଇଁ ଭାରତୀୟ ଛାତ୍ର ସଂସଦ ଫାଉଣ୍ଡେସନ୍ ଓ ଏମ୍ଆଇଟି-ଡବ୍ଲୁପିୟୁ ପକ୍ଷରୁ ଶ୍ରୀ ପଟ୍ଟନାୟକଙ୍କୁ ଏହି ପୁରସ୍କାର ପ୍ରଦାନ କରାଯିବ। ପୂର୍ବତନ ରାଷ୍ଟ୍ରପତି ପ୍ରତିଭା ଦେବୀସିଂ ପାଟିଲ ମୁଖ୍ୟଅତିଥି ଭାବେ ଯୋଗଦେଇ ତାଙ୍କୁ ଏହି ମର୍ଯ୍ୟାଦାଜନକ ପୁରସ୍କାର ପ୍ରଦାନ କରିବେ। ଉଲ୍ଲେଖଯୋଗ୍ୟ, ଏମ୍ଆଇଟି-ଡବ୍ଲୁପିୟୁ ଭାରତର ପ୍ରଥମ ଶିକ୍ଷାନୁଷ୍ଠାନ, ଯେଉଁଠାରେ ଯୁବଗୋଷ୍ଠୀଙ୍କୁ ରାଜନୀତିରେ କ୍ୟାରିଅର୍ ଗଢ଼ିବା ପାଇଁ ନେତୃତ୍ୱ ବିକାଶ ସଂପର୍କିତ ତାଲିମ୍ ପ୍ରଦାନ କରାଯାଇଥାଏ।
Sambad is now on WhatsApp
Join and get latest news updates delivered to you via WhatsApp
ବରିଷ୍ଠ ଗୀତିକାର ବୃନ୍ଦାବନ ଜେନା ପାଇବେ ‘କାଳିଦାସ ସମ୍ମାନ-୨୦୧୮’
ଭୁବନେଶ୍ୱର : କେନ୍ଦ୍ରାପଡ଼ାର ବବକରପୁୁରସ୍ଥିତ କାଳିଦାସ ମନ୍ଦିର ପ୍ରାଙ୍ଗଣରେ ଆସନ୍ତା ୨୨ ତାରିଖରେ ‘କାଳିଦାସ ମହୋତ୍ସବ-୨୦୧୮’ ଅନୁଷ୍ଠିତ ହେବ। କାଳିଦାସ ଫାଉଣ୍ଡେସନ୍ ପକ୍ଷରୁ ଆୟୋଜିତ ଏହି ଉତ୍ସବରେ ବରିଷ୍ଠ ଗୀତିକାର ବୃନ୍ଦାବନ ଜେନାଙ୍କୁ ‘କାଳିଦାସ ସମ୍ମାନ-୨୦୧୮’ ପ୍ରଦାନ କରାଯିବ। ଏହି ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ ବୋଲି ଅନୁଷ୍ଠାନର ଅଧ୍ୟକ୍ଷ ମନୋରଞ୍ଜନ ମହାପାତ୍ର ଓ ସମ୍ପାଦକ ଅଧ୍ୟାପକ ବୀରବର ଜେନା ଜଣାଇଛନ୍ତି।