ଭୁବନେଶ୍ୱର: ଆଗାମୀ ୨୯ ତାରିଖରେ ନବୀନ ପଟ୍ଟନାୟକ ୫ମ ଥର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିପାରନ୍ତି। ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ନବୀନ ମେ’ ମାସ ୨୯ ତାରିଖରେ ପୁଣି ଥରେ ରାଜ୍ୟର ଶାସନ ଭାର ଗ୍ରହଣ କରିବେ। ଏଥି ପାଇଁ ରାଜଭବନ ପରିସରରେ ପୂର୍ବାହ୍ନରେ ଶପଥଗ୍ରହଣ ଉତ୍ସବ ଅନୁଷ୍ଠିତ ହେବ। ସୂତ୍ର ଅନୁସାରେ ନବୀନଙ୍କ ଶପଥ ଗ୍ରହଣ ଉତ୍ସବ ନିରାଡମ୍ବର ହେବ।
Sambad is now on WhatsApp
Join and get latest news updates delivered to you via WhatsApp
ନବୀନଙ୍କ ଶପଥ ଗ୍ରହଣ ପୂର୍ବରୁ ୨୬ ତାରିଖରେ ବିଜେଡି ବିଧାୟକ ଦଳର ବୈଠକ ବସିବ ବୋଲି ବିଜେଡି ମୁଖପାତ୍ର ସସ୍ମିତ ପାତ୍ର ସୂଚନା ଦେଇଛନ୍ତି।। ନବୀନଙ୍କୁ ବିଧାୟକ ଦଳର ନେତା ଭାବେ ନିର୍ବାଚିତ କରାଯିବ ବୋଲି ସୂତ୍ରରୁ ଜଣାପଡ଼ିଛି। ସୂଚନାଯୋଗ୍ୟ ଚଳିତ ବିଧାନସଭା ନିର୍ବାଚନରେ ବିଜେଡି ୧୧୨ଟି ଆସନରେ ବିଜୟୀ ହୋଇଛି।