କମ୍ବିଂ ବେଳେ ମିଳିଲା ବିପୁଳ ବିସ୍ଫୋରକ

କେନ୍ଦୁଝର : କେନ୍ଦୁଝର ଜିଲ୍ଲା ବଲାଣି ଥାନା ଅନ୍ତର୍ଗତ କୋହ୍ଲକାଣ୍ଡୁଳି ଜଙ୍ଗଲରୁ ଆଜି ବିପୁଳ ପରିମାଣର ବିସ୍ଫୋରକ ଜବତ କରାଯାଇଛି। ସିଆର୍‌ପିଏଫ୍‌ ଓ ଡିଭିଏଫ୍‌ ଯବାନଙ୍କ ମିଳିତ କମ୍ବିଂ ଅପରେସନ୍‌ ବେଳେ ଏହିସବୁ ବିସ୍ଫୋରକ ଜବତ ହୋଇଛି। ଜଙ୍ଗଲରୁ ଏତେ ପରିମାଣର ବିସ୍ଫୋରକ ମିଳିବା ପରେ ଆଖପାଖ ଇଲାକାରେ ମାଓବାଦୀଙ୍କ ଅଡ୍ଡାସ୍ଥଳୀ ଥିବା ସନ୍ଦେହରେ ତଲାସୀ ଅଭିଯାନକୁ ଜୋରଦାର କରାଯାଇଛି।

ଜବତ ବିସ୍ଫୋରକ ମଧ୍ୟରେ ଦୁଇଟି ବ୍ୟାଟେରି, ୩୦ଟି ଜିଲୋଟିନ୍‌, ୩୦ଟି ଟିଫିନ୍‌ ବୋମା, ୩୫ଟି ଡିଟୋନେଟର୍‌, ୧୦୦ ଗ୍ରାମ ପିନ୍‌, ୧୦୦ ଗ୍ରାମ ଆଇରନ୍‌ ପାଉଡର୍‌ ଏବଂ ୧୦୦ ଗ୍ରାମ ଗନ୍‌ ପାଉଡର୍‌ ରହିଛି। ପ୍ରକାଶଥାଉକି, ଗତ ୨୦ ତାରିଖରୁ ସିଆର୍‌ପିଏଫ୍‌ ଓ ଡିଭିଏଫ୍‌ ଯବାନ ସଂପୃକ୍ତ ଅଞ୍ଚଳରେ କମ୍ବିଂ ଅପରେସନ୍‌ ଜାରି ରଖିଛନ୍ତି।