ନୟାଗଡ଼: କରୋନାକୁ ପ୍ରତିହତ କରିବାକୁ ନୟାଗଡ଼ ଜିଲ୍ଲାପାଳ ଲାଗୁ କରିଥିବା କଟକଣାକୁ ନ ମାନିବା ୮ ଜଣ ପରିବା ବେପାରୀଙ୍କୁ ମହଙ୍ଗା ପଡ଼ିଛି। ପୁଲିସ ୮ ଜଣଙ୍କୁ ଗୋଦାମ ପରିସରରୁ ଉଠାଇ ନେଇଥିବା ବେଳେ ଗୋଟିଏ ଗାଡ଼ିକୁ ଥାନାକୁ ନେଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାନୁସାରେ, କରୋନା କଟକଣା ପାଇଁ ଜିଲ୍ଲାପାଳ ନୟାଗଡ଼ ଜିଲ୍ଲାରେ ପରିବା ଏବଂ ରାସନ ଦୋକାନ ଦିନ ୧୦ଟାରୁ ଅପରାହ୍ନ ୪ ଘଟିକା ପର୍ଯ୍ୟନ୍ତ ଖୋଲିବାକୁ ନିର୍ଦ୍ଦେଶ ଦେଇଛନ୍ତି । ମାତ୍ର ଜିଲ୍ଲାପାଳଙ୍କ ନିର୍ଦେଶକୁ ଅଣଦେଖା କରି ଆଜି ବାହାଡ଼ଝୋଲା ନିୟନ୍ତ୍ରିତ ବଜାର କମିଟି ପରିସରରେ ରହିଥିବା ପରିବା ଗୋଦାମଗୁଡ଼ିକ ସକାଳୁ ଖୋଲା ଯାଇଥିଲା । ଏହା ପରିସରରେ ଶତାଧିକ ବ୍ୟକ୍ତି ଗଦା ହୋଇ ବ୍ୟବସାୟ କରୁଥିଲେ ।
ନୟାଗଡ଼ ଟାଉନଥାନା ଏସ.ଆଇ ଧର୍ମେନ୍ଦ୍ର ଶିଆଳ ସଦଳବଳେ ଚଢ଼ାଉ କରି ଗୋଦାମ ପରିସରରୁ ୮ ଜଣଙ୍କୁ ଥାନାକୁ ନେଇଥିବା ବେଳେ ଏକ ଏସ୍କଏଲ ଗାଡ଼ିକୁ ଜବତ କରିଛନ୍ତି ।