‘ନିଟ୍’ ପାଇଁ ସେପ୍ଟେମ୍ବର ୧୩ ତାରିଖରେ ୟୁନିଟ୍-୧ ମାର୍କେଟ୍ ବନ୍ଦ ରହିବ : ବିଏମସି
ଭୁବନେଶ୍ୱର: ସେପ୍ଟେମ୍ବର ୧୩ ତାରିଖରେ ଜାତୀୟ ଯୋଗ୍ୟତା ପ୍ରବେଶିକା ପରୀକ୍ଷା ‘ନିଟ୍’ ପାଇଁ ପରୀକ୍ଷା କେନ୍ଦ୍ର ସମ୍ମୁଖରେ ଭିଡ଼କୁ ନିୟନ୍ତ୍ରଣ କରିବାର ପଦକ୍ଷେପ ଭାବରେ ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ୍ (ବିଏମସି) ୟୁନିଟ୍-୧ ମାର୍କେଟ୍ ବନ୍ଦ କରିବାକୁ ନିର୍ଦେଶ ଦେଇଛି। ତାହା ଅନୁଯାୟୀ ସେପ୍ଟେମ୍ବର ୧୩ ତାରିଖରେ ୟୁନିଟ୍-୧ ମାର୍କେଟ୍ ବନ୍ଦ ରହିବ।
Sambad is now on WhatsApp
Join and get latest news updates delivered to you via WhatsApp
ବିଭିନ୍ନ ବିକ୍ରେତା ସଙ୍ଗଠନର ସଭାପତିଙ୍କୁ ଲେଖିଥିବା ଚିଠିରେ ବିଏମସି କହିଛି ଯେ କୋଭିଡ-୧୯ ମହାମାରୀ ମଧ୍ୟରେ ୟୁନିଟ୍-୧ରେ ଥିବା ମଦର ପବ୍ଲିକ୍ ସ୍କୁଲରେ ଏକ ନିଟ୍ ପରୀକ୍ଷା କେନ୍ଦ୍ର ହୋଇଥିବା ହେତୁ ସତର୍କତାମୂଳକ ସେପ୍ଟେମ୍ବର ୧୩ ତାରିଖରେ ୟୁନିଟ୍-୧ ମାର୍କେଟ୍ ବନ୍ଦ ରହିବ। ବିଏମସି ପକ୍ଷରୁ ୟୁନିଟ୍-୧ ମାର୍କେଟର ସମସ୍ତ ସଦସ୍ୟଙ୍କୁ କଡ଼ାକଡ଼ି ଭାବରେ ଉକ୍ତ ନିର୍ଦେଶକୁ ପାଳନ କରିବାକୁ କୁହାଯାଇଛି।
ଉଲ୍ଲେଖଯୋଗ୍ୟ, ରାଜ୍ୟ ରାଜଧାନୀ ଭୁବନେଶ୍ୱରର ୩୧ ଟି କେନ୍ଦ୍ରରେ ପୂର୍ବାହ୍ନ୧୧ ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ନିଟ୍ ପରୀକ୍ଷା ଅନୁଷ୍ଠିତ ହେବ। ଏହି ଜାତୀୟ ସ୍ତରର ପ୍ରବେଶିକା ପରୀକ୍ଷାରେ ୧୫ହଜାରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେବେ ବୋଲି ଆକଳନ କରାଯାଇଛି।