ଆସନ୍ତା ସୋମବାରଠାରୁ ବିଦ୍ୟାଳୟରେ ନାମ ଲେଖାଇପାରିବେ ଛାତ୍ରଛାତ୍ରୀ
ଭୁବନେଶ୍ୱର: ଆସନ୍ତା ସୋମବାରଠାରୁ ବିଦ୍ୟାଳୟରେ ପିଲାମାନେ ନାମ ଲେଖାଇପାରିବେ | ଜୁଲାଇ ୧୫ ତାରିଖ ଯାଏଁ ନାମଲେଖା ପ୍ରକ୍ରିୟା ଜାରି ରହିବ | ପ୍ରଥମରୁ ହାଇସ୍କୁଲ ପର୍ଯ୍ୟନ୍ତ ସମସ୍ତ ସରକାରୀ ବିଦ୍ୟାଳୟମାନଙ୍କରେ ନାମ ଲେଖା ହେବାକୁ ଥିବାବେଳେ ଯେଉଁ ସ୍କୁଲରେ ୨୦ ଜଣରୁ କମ ଛାତ୍ର ଥିଲେ ସେଠାରେ ମଧ୍ୟ ନାମ ଲେଖା କରାଯିବ | ଆଜି ଏ ନେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି | ସେ କହିଛନ୍ତି ଯେ ପୂର୍ବରୁ ୨୦ରୁ କମ ପିଲା ଥିବା ସ୍କୁଲ ବନ୍ଦ ନେଇ ଯୋଜନା ହୋଇଥିଲା ତେବେ ବର୍ତ୍ତମାନ ପାଇଁ ଏହି ଯୋଜନାକୁ ସ୍ଥଗିତ ରଖାଯାଇଛି |
Sambad is now on WhatsApp
Join and get latest news updates delivered to you via WhatsApp
ଗତବର୍ଷ ଯେଉଁ ସ୍କୁଲରେ ନାମ ଲେଖା ହୋଇଥିଲା ସେଠି ନାମ ଲେଖା ହେବ, କରୋନା ଦୃଷ୍ଟିରୁ ସବୁ ସ୍କୁଲରେ ନାମ ଲେଖା ହୋଇପାରିବ। ତେବେ ନାମ ଲେଖାଇବା ପାଇଁ ଆସୁଥିବା ଛାତ୍ରଛାତ୍ରୀଙ୍କ ମଧ୍ୟରେ ୫ ଜଣଙ୍କ ମଧ୍ୟରେ ସାମାଜିକ ଦୂରତ୍ୱ ରଖି ପ୍ରଧାନଶିକ୍ଷକ ଓ ଅନ୍ୟ ଶିକ୍ଷକମାନେ ଆଡ଼ମିସନ କରାଇବେ |
ସେହିପରି ସଟଡାଉନ ବେଳେ ଶନିବାର ଓ ରବିବାର ମାଟ୍ରିକ ଖାତା ଦେଖା ବନ୍ଦ ରହିବ | ଜୁନ ମାସର ଅନ୍ୟ ଦିନମାନଙ୍କରେ ମାଟ୍ରିକ ଖାତା ଦେଖା ଜାରି ରହିବ | ତେବେ ଶିକ୍ଷକମାନଙ୍କ ଯାତାୟାତକୁ ନଜରରେ ରଖି ୧୧ଟି ଜିଲ୍ଲାରେ ଶନିବାର ଓ ରବିବାର ଦୁଇ ଦିନ ଖାତା ଦେଖା ବନ୍ଦ ରହିବ |