ଭୁବନେଶ୍ୱର: ଅସହାୟ ବ୍ୟକ୍ତିଙ୍କୁ ସାହାଯ୍ୟ କରିବାକୁ ଅଣ୍ଟା ଭିଡିଲା ପୂଜା କମିଟି | ଅଗ୍ରପୂଜ୍ୟ ଶ୍ରୀ ଗଣେଶଙ୍କ ପୂଜା କରିବା ସହ କ୍ୟାନ୍ସରରେ ପୀଡିତ ବ୍ୟକ୍ତିଙ୍କୁ ସାହାଯ୍ୟ କରିବାକୁ ଆଗେଇଆସିଛି ଭୁବନେଶ୍ୱରର କଳ୍ପନା ଛକ ଟୋକା ସଂଘ | ଦୁଇ ବର୍ଷ ଧରି କ୍ୟାନ୍ସରରେ ପୀଡିତ ବ୍ୟକ୍ତିଙ୍କୁ ସାହାଯ୍ୟ କରିବା ପାଇଁ ଏହି ପୂଜାକମିଟିର ସଦସ୍ୟମାନେ ଅର୍ଥ ସଂଗ୍ରହ କରୁଛନ୍ତି ଓ ତାହାକୁ ପୀଡିତଙ୍କୁ ପ୍ରଦାନ କରୁଛନ୍ତି |
Sambad is now on WhatsApp
Join and get latest news updates delivered to you via WhatsApp
ଗୁରୁବାର ଦିନ ମଧ୍ୟ ଏହି ଟୋକା ସଂଘ ପୂଜା କମିଟି ଏମ୍ସ ଭୁବନେଶ୍ୱରରେ ଚିକିତ୍ସାଧୀନ ଥିବା ଜଣେ କ୍ୟାନ୍ସର ପୀଡିତାଙ୍କୁ ୧୫ ହଜାର ଟଙ୍କାର ଆର୍ଥିକ ସହଯୋଗ କରିଛନ୍ତି | ଏହି ଅବସରରେ ଅନେକ ସମାଜସେଵୀଙ୍କ ସହ ବିଦ୍ୟାଳୟ ଓ ଗଣଶିକ୍ଷାମନ୍ତ୍ରୀ ସମୀର ଦାଶ ଯୋଗ ଦେଇଥିଲେ |
ମନ୍ତ୍ରୀ ଏହି ପୂଜା କମିଟିର ପ୍ରୟାସକୁ ପ୍ରଶଂସା କରିବା ସହ ଏଭଳି କାର୍ଯ୍ୟକ୍ରମ ଜାରି ରଖିବାକୁ ପରାମର୍ଶ ଦେଇଥିଲେ | ଏହି ଅବସରରେ ସମାଜ ପ୍ରତି ଖବର ମାଧ୍ୟମରେ ସଚେତନତା ସୃଷ୍ଟି କରାଉଥିବା ନେଇ କନକ ନ୍ୟୁଜର ଖବର ଉପସ୍ଥାପିକା ଲିପି ନାୟକ ଓ ପ୍ରତିନିଧି ସତ୍ୟଜିତ ସେଣଙ୍କୁ ଆଶାର ଦିଶା ସମ୍ମାନରେ ସମ୍ମାନିତ କରାଯାଇଥିଲା |