ସମ୍ବଲପୁର ଜିଲ୍ଲାର ୧୩ ଥାନାରେ ନୂଆ ଥାନାଧିକାରୀ
ସମ୍ବଲପୁର : ନିକଟରେ ଉତ୍ତରାଞ୍ଚଳ ରେଞ୍ଜ୍ରେ ଇନ୍ସପେକ୍ଟରମାନଙ୍କର ବଡ଼ଧରଣର ଅଦଳବଦଳ ହୋଇଥିଲା। ଏହିକ୍ରମରେ ସମ୍ବଲପୁର ଜିଲ୍ଲାର ୧୮ ଜଣ ଥାନାଧିକାରୀଙ୍କୁ ଅନ୍ୟତ୍ର ବଦଳି କରାଯାଇଥିଲା, ସମ୍ବଲପୁରକୁ ମଧ୍ୟ ଇନ୍ସପେକ୍ଟରମାନେ ବଦଳି ହୋଇ ଆସିଥିଲେ। ଗୁରୁବାର ସମ୍ବଲପୁର ଏସପିଙ୍କ ନିର୍ଦ୍ଦେଶକ୍ରମେ ୧୩ଟି ଥାନାରେ ନୂତନ ଅଧିକାରୀଙ୍କୁ ନିଯୁକ୍ତି ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ସନୟ ନାୟକଙ୍କୁ ଅଇଁଠାପାଲି ଥାନା, ଅନିଲ ପ୍ରଧାନଙ୍କୁ ବୁର୍ଲା ଥାନା, ରଞ୍ଜନ ବିଶ୍ବାଳଙ୍କୁ ଧନୁପାଲି ଥାନା, କେ. ପ୍ରିୟଙ୍କା ରାଉତରାୟଙ୍କୁ କ୍ଷେତରାଜପୁର ଥାନା, ସୁବ୍ରତ ପାଣିଗ୍ରାହୀଙ୍କୁ ସଦର ଥାନା, ମେନକା ରାଉତଙ୍କୁ ମହିଳା ଥାନା, ବାମଦେବ ସଖୌଲଙ୍କୁ ହୀରାକୁଦ ଥାନା, ସାବିତ୍ରୀ ବଳଙ୍କୁ ଠେଲକୋଲୋଇ ଥାନା, ଆନ୍ନା ମିଞ୍ଜଙ୍କୁ ରେଙ୍ଗାଲି ଥାନା, ସବିତା ସେଠୀଙ୍କୁ ରେଢ଼ାଖୋଲ ଥାନା, ଚନ୍ଦ୍ରମୋହନ ସିଂଙ୍କୁ କୁଚିଣ୍ଡା ଥାନା, ଅଞ୍ଜଳି କୁମ୍ଭାରଙ୍କୁ କିସିଣ୍ଡା ଥାନା ଓ ପବିତ୍ର ସାହୁଙ୍କୁ ଚାରମାଲ ଥାନା ଅଧିକାରୀ ଭାବେ ନିଯୁକ୍ତି ଦିଆଯାଇଛି।
ସେଭଳି ୪ ଜଣ ଏସ୍ଆଇ ଓ ଏଏସ୍ଆଇଙ୍କୁ ମଧ୍ୟ ବଦଳି କରାଯାଇଛି। ଏସ୍ଆଇ ଦୀପ୍ତିମୟୀ ମିଶ୍ରଙ୍କୁ ମୁଖ୍ୟାଳୟରୁ ଟାଉନ ଥାନାକୁ ଓ ପ୍ରଶାନ୍ତ ସ୍ବାଇଁଙ୍କୁ କ୍ଷେତରାଜପୁର ଥାନାକୁ ବଦଳି କରାଯାଇଛି। ଏଏସ୍ଆଇ ସୁଶାନ୍ତ ବେହେରାଙ୍କୁ ପୁଲିସ ମୁଖ୍ୟାଳୟ ଓ ଏସ୍ ମହେନ୍ଦ୍ର ରାଓଙ୍କୁ ସଦର ଥାନାକୁ ବଦଳି କରାଯାଇଛି।