ଯଶିଡିହ-ଏସଏମଭିଟି ବେଙ୍ଗାଲୁରୁ ମଧ୍ୟରେ ନୂତନ ଟ୍ରେନ୍
ଭୁବନେଶ୍ବର : ଭଦ୍ରକ-ଭୁବନେଶ୍ୱର-ବିଶାଖାପାଟଣା ମାର୍ଗ ଦେଇ ଯଶଡିହ ଓ ଏସ୍ଏମ୍ଭିଟି ବେଙ୍ଗାଲୁରୁ ମଧ୍ୟରେ ନୂତନ ଟ୍ରେନ୍ ଚଳାଚଳ ପାଇଁ ରେଳ ମନ୍ତ୍ରାଳୟ ନିଷ୍ପତ୍ତି ନେଇଛି। ଏହି ଟ୍ରେନ୍ର ନିୟମିତ ସେବା ଯଶିଡିହଠାରୁ ସେପ୍ଟେମ୍ବର ୩୦ରୁ ଓ ଏସଏମଭିଟି ବେଙ୍ଗାଲୁରୁରୁ ଅକ୍ଟୋବର ୨ରୁ କରାଯିବ। ଯଶିଡିହ-ଏସଏମଭିଟି ବେଙ୍ଗାଲୁରୁ ସୁପରଫାଷ୍ଟ୍ ଏକ୍ସପ୍ରେସ୍(୨୨୩୦୬) ପ୍ରତି ଶୁକ୍ରବାର ଯଶିଡିହରୁ ସକାଳ ୬ଟା ୩୦ରେ ବେଙ୍ଗାଲୁରୁ ଯାତ୍ରା କରିବ। ଫେରିବା ବାଟରେ ଏସଏମଭିଟି ବେଙ୍ଗାଲୁରୁ-ଯଶିଡିହ ସୁପରଫାଷ୍ଟ ଏକ୍ସପ୍ରେସ୍(୨୨୩୦୫)ପ୍ରତ୍ୟେକ ରବିବାର ପୂର୍ବାହ୍ନ ୧୦ଟାରେ ଛାଡ଼ିବ।
Sambad is now on WhatsApp
Join and get latest news updates delivered to you via WhatsApp
ଏହି ଟ୍ରେନ୍ ପୂର୍ବତଟ ରେଳପଥ ପରିସୀମା ମଧ୍ୟରେ ଭଦ୍ରକ, କଟକ, ଭୁବନେଶ୍ୱର, ବିଜୟନଗରମ୍ ଓ ବିଶାଖାପଟନମ୍ ଷ୍ଟେସନ୍ରେ ରହଣି କରିବ। ଏହାବ୍ୟତୀତ ଆସାନସୋଲ୍, ଦୁର୍ଗାପୁର, ବର୍ଦ୍ଧମାନ, ଖଡ଼ଗପୁର, ବାଲେଶ୍ୱର, ନେଲୋର, ପେରମ୍ବୁର, କାଟପାଡ଼ି ଓ ଜୋଲାରପେଟାଇ ଆଦି ଗୁରୁତ୍ୱପୂର୍ଣ୍ଣ ଷ୍ଟେସନ୍ରେ ରହଣି କରିବ। ଟ୍ରେନରେ ଗୋଟିଏ ପ୍ରଥମ ଶ୍ରେଣୀ ଏସି, ଚାରିଟି ଏସି-୨ ଟାୟାର, ୧୦ଟି ଏସି-୩ ଟାୟାର, ଦୁଇଟି ସ୍ଲିପର କ୍ଲାସ, ଦୁଇଟି ଦ୍ୱିତୀୟ ଶ୍ରେଣୀ ସିଟିଂ, ଗୋଟିଏ ପ୍ୟାଣ୍ଟ୍ରି କାର୍ ଓ ଦୁଇଟି ଗାର୍ଡ, ଲଗେଜ୍ ତଥା ଜେନେରେଟର୍ କାର୍ ଉପଲବ୍ଧ ରହିଛି।