ଆସନ୍ତା ୫ ଦିନ ଟାଇଁ ଟାଇଁ ଖରା

ଭୁବନେଶ୍ବର : ଏବେ ଓଡ଼ିଶା ଉପରେ ପା‌ଣିପାଗର କୌଣସି ନିର୍ଦ୍ଦିଷ୍ଟ ନିୟାମକର ପ୍ରଭାବ ନାହିଁ। ଫଳରେ ଆସନ୍ତ‌ା ୫ ଦିନ ପର୍ଯ୍ୟନ୍ତ ରାଜ୍ୟରେ ପାଗ ଶୁଖିଲା, ଖରାଟିଆ ରହିବା ସହ ଆକାଶ ନିର୍ମଳ ରହିବ। ଖରାର ପ୍ରଖରତା ଅଧିକ ରହିବ। କିନ୍ତୁ ତାପମାତ୍ରାରେ ବିଶେଷ ପରିବର୍ତ୍ତନ ଦେଖାଯିବ ନାହିଁ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି।

ରାଜ୍ୟର ସର୍ବନିମ୍ନ ରାତ୍ରି ତାପମାତ୍ରା ପ୍ରାୟ ସମସ୍ତ ସ୍ଥାନରେ ସ୍ବାଭାବିକ ତଥା ଅପରିବର୍ତ୍ତିତ ରହିଥିବା ବେଳେ ଆଭ୍ୟନ୍ତରୀଣ ଓଡ଼ିଶାର କିଛି କିଛି ଅଞ୍ଚଳରେ ସ୍ବାଭାବିକଠାରୁ ଅଧିକ ରହିଛି। ଗତ ୨୪ ଘଣ୍ଟାରେ ସର୍ବାଧିକ ତାପମାତ୍ରା ଟିଟିଲାଗଡ଼ରେ ୩୭ ଡିଗ୍ରି ରେକର୍ଡ ହୋଇଛି। ଆସନ୍ତାକାଲି ଭୁବନେଶ୍ବର ତଥା ଆଖପାଖ ଅଞ୍ଚଳର ସର୍ବାଧିକ ତାପମାତ୍ରା ୩୪ ଡିଗ୍ରି ଓ ସର୍ବନିମ୍ନ ତାପମାତ୍ରା ୨୧ ଡିଗ୍ରି ମଧ୍ୟ‌ରେ ରହିବ।

ସମ୍ବନ୍ଧିତ ଖବର