ପୋଲାଭରମ ପ୍ରକଳ୍ପ ନେଇ ଜାତୀୟ ଗ୍ରୀନ ଟ୍ରିବୁନାଲରେ ଶୁଣାଣି : ଓଡ଼ିଶା ସମେତ ଅନ୍ୟ ପ୍ରଭାବିତ ରାଜ୍ୟର ଚିନ୍ତା ଦୂର ପାଇଁ ଆନ୍ଧ୍ରପ୍ରଦେଶକୁ ନିର୍ଦ୍ଦେଶ
ନୂଆଦିଲ୍ଲୀ : ଗୋଦାବରୀ ନଦୀ ଉପରେ ଆନ୍ଧ୍ରପ୍ରଦେଶ ସରକାରଙ୍କ ପକ୍ଷରୁ ନିର୍ମାଣାଧୀନ ପୋଲାଭରମ ନଦୀବନ୍ଧ ପ୍ରକଳ୍ପ ଉପରେ ନିଜର ରାୟ ଶୁଣାଇଛନ୍ତି ଜାତୀୟ ଗ୍ରୀନ ଟ୍ରିବୁନାଲ । ଏହି ପ୍ରକଳ୍ପ ସଂପର୍କରେ ଓଡ଼ିଶା, ତେଲେଙ୍ଗାନା ଓ ଛତିଶଗଡ଼ ରାଜ୍ୟ ସରକାରଙ୍କ ଚିନ୍ତା ଦୂରକରିବାକୁ ସେମାନଙ୍କ ସହ ଆଲୋଚନା କରିବାକୁ ଆନ୍ଧ୍ରପ୍ରଦେଶ ସରକାର ଓ ପୋଲାଭରମ ପ୍ରକଳ୍ପ କର୍ତ୍ତୃପକ୍ଷ (ପିପିଏ) ଙ୍କୁ ନିର୍ଦ୍ଦେଶ ଦେଇଛନ୍ତି ଜାତୀୟ ଗ୍ରୀନ ଟ୍ରିବୁନାଲ ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା ଦୁଇ ମାସ ମଧ୍ୟରେ ଏହି ବୈଠକ ଆୟୋଜନ କରିବାକୁ କେନ୍ଦ୍ରୀୟ ଜଳ ଆୟୋଗ, ଗୋଦାବରୀ ଜଳବିବାଦ ଟ୍ରିବୁନାଲ, ଆନ୍ଧ୍ରପ୍ରଦେଶ ସରକାର ଓ ପିପିଏଙ୍କୁ ନିର୍ଦ୍ଦେଶ ଦେଇଛନ୍ତି ଟ୍ରିବୁନାଲ । ଏହି ବୈଠକ ବେଳେ ଉପରମୁଣ୍ଡରେ ଥିବା ରାଜ୍ୟ ତେଲେଙ୍ଗାନା, ଛତିଶଗଡ ଓ ଓଡ଼ିଶା ସରକାର ନିଜ ନିଜର ଚିନ୍ତା ଜଣାଇବେ । ଏସବୁ ଚିନ୍ତା ଦୂର କରିବାର ସମାଧାନ ଆନ୍ଧ୍ରପ୍ରଦେଶ ସରକାର ଓ ପିପିଏ ଜଣାଇବେ ।
ତେବେ ଏହି ମାମଲାକୁ ସୁପ୍ରିମକୋର୍ଟ ସ୍ଥାନାନ୍ତରଣ ଆବେଦନକୁ ଟ୍ରିବୁନାଲ ଖାରଜ କରିଦେଇଛନ୍ତି । ଏହା ପୂର୍ବରୁ ଏହି ପ୍ରକଳ୍ପ ସଂପର୍କରେ ନିଜର ରିପୋର୍ଟ ଦେବାକୁ ଗଠିତ ୪ଜ ଣିଆ ବିଶେଷଜ୍ଞ କମିଟି ଗତ ୮ ତାରିଖରେ ନିଜର ରିପୋର୍ଟ ଦାଖଲ କରିଥିଲେ । କମିଟିର ସୁପାରିଶଗୁଡ଼ିକୁ ଟ୍ରିବୁନାଲ ଗ୍ରହଣ କରିଛନ୍ତି ।
ଟ୍ରିବୁନାଲ ଗ୍ରହଣ ହୋଇଥିବା ସୁପାରିଶ ଗୁଡିକ ହେଲା
୧ – ଅନ୍ତଃ ରାଜ୍ୟ ରାଜିନାମା ଅନୁସାରେ ପୋଲାଭରମ ଅଥରିଟି କାମ କରିବେ ।
୨ – ଗୋଦାବରୀ ଜଳ ବିବାଦ ଟ୍ରିବୁନାଲ୍ ଦେଇଥିବା ୧୯୮୦ ରାୟ କୁ ମାନିବେ।
୩ – ଜଳ ମଗ୍ନ ହେଉଥିବା ଅଞ୍ଚଳର ଅନୁଧ୍ୟାନ କରାଯିବ।
୪ – ପ୍ରକଳ୍ପ ର ବାକ ୱାଟର ଷ୍ଟଡି ହେବ ।
୫ – ପ୍ରକଳ୍ପ ଯୋଗୁଁ ଏହାର କୌଣସି କୁପ୍ରଭାଵ ପଡିଲେ ଏଥିପାଇଁ ଆନ୍ଧ୍ର ସରକାର ଙ୍କ ଜଳ ବିଭାଗ ସମ୍ପୂର୍ଣ୍ଣ ଦାୟୀ ରହିବ।
୬ – ପ୍ରକଳ୍ପ ନେଇ ତେଲେଙ୍ଗାନା, ଓଡିଶା, ଆନ୍ଧ୍ର , ଛତିଶଗଡ଼ ଉଭୟ ଆଲୋଚନା କରିବେ।
୭ – ଓଡ଼ିଶାର ୬୩୧୬ ଲୋକଙ୍କୁ ଥଇଥାନ କରାଯିବ ।