ଭାଣିଜୀ ମାଡ଼ରେ ମାମୁର ମୃତ୍ୟୁ
ବାଲେଶ୍ଵର: ଚାନ୍ଦିପୁର ଥାନା ଅନ୍ତର୍ଗତ ସାହାଡା ଗ୍ରାମରେ ଶୁକ୍ରବାର ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଯାଇଛି | ଭାଣିଜୀର ଆକ୍ରମଣରେ ମାମୁର ମୃତ୍ୟୁ ଘଟିଛି | ମିଳିଥିବା ସୂଚନା ମୁତାବକ ଏହି ଗାଁରେ ରହୁଥିବା ତେଲି ସିଂ(୫୦) ଶୁକ୍ରବାର ସନ୍ଧ୍ୟାରେ ଜଣଙ୍କ ଘରକୁ ଯାଉଥିଲେ | ଏହି ସମୟରେ ସେହି ଗାଁରେ ରହୁଥିବା ଭାଣିଜୀ ଗୁରୁବାରୀ ସୋରେନ(୪୦)ଙ୍କ ସହ ତାଙ୍କର କୌଣସି କାରଣକୁ ନେଇ ପାଟିତୁଣ୍ଡ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ତେବେ ଯୁକ୍ତିତର୍କ ଏତେ ଚରମ ସୀମାରେ ପହଁଚିଯାଇଥିଲା ଯେ ଭାଣିଜୀ ଜଣକ ପାଖରେ ପଡିଥିବା ଏକ କାଠ ଫାଳିଆରେ ତେଲିଙ୍କୁ ଆକ୍ରମଣ କରିଥିଲେ | ଏଥିରେ ଗୁରୁତର ଆହତ ହୋଇପଡିଥିଲେ ମାମୁ ତେଲି ସିଂ | ତେଲିଙ୍କୁ ତୁରନ୍ତ ପରିବାର ଲୋକ ବାଲେଶ୍ୱର ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ |
ଆଜି ଭୋର ସମୟରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା | ଏହି ଘଟଣା ବାବଦରେ ପୁଲିସ ସୂଚନା ପାଇ କେସ ନମ୍ବର ୫୧/୨୦୧୯ରେ କେସ ରୁଜୁ କରି ଭାଣିଜୀ ଗୁରୁବାରୀଙ୍କୁ ଅଟକ ରଖି ପଚରାଉଚୁରା କରୁଛି |