ରାଜ୍ୟରେ ପରିବର୍ତନର ସୁଯୋଗ ଆସିଛି: ନିରଞ୍ଜନ
ଭିଡିଓ ବାର୍ତାରେ ରାଜ୍ୟ ଓ କେନ୍ଦ୍ରକୁ ଟାର୍ଗେଟ୍
ଭୁବନେଶ୍ବର : ଆସନ୍ତା ୧୬ତାରିଖରେ ରାଜ୍ୟରେ ପଞ୍ଚାୟତ ନିର୍ବାଚନ ଆରମ୍ଭ ହେବାକୁ ଯାଉଛି। ଏହି ଉପଲକ୍ଷେ ପିସିସି ସଭାପତି ନିରଞ୍ଜନ ପଟ୍ଟନାୟକ ଭିଡିଓ ବାର୍ତାରେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କୁ ଟାଗେର୍ଟ୍ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶ୍ରୀ ପଟ୍ଟନାୟକ କହିଛନ୍ତି ଯେ ଗତ ୨୨ବର୍ଷ ଧରି ଓଡ଼ିଶାରେ ଦୁର୍ନୀତି, ଭ୍ରଷ୍ଟାଚାର, ମିଥ୍ୟା ପ୍ରତିଶ୍ରୁତି ଓ ପ୍ରଚାରରେ ସରକାର ଚାଲିଛି। ଲୋକଙ୍କୁ ସବୁବେଳେ ଲୋଭ ଦେଖାଇ ଗଣତନ୍ତ୍ରକୁ ବ୍ୟବସାୟୀକରଣ କରାଯାଇଛି। ଏଭଳି ପରିସ୍ଥିତିରେ ରାଜ୍ୟର ବିକାଶ ସମ୍ଭବ ନୁହେଁ। ପିଲାଙ୍କ ପାଇଁ ଚାକିରି ନାହିଁ, ମହିଳମାନେ ନିର୍ଯାତିତ। ଚାଷୀଙ୍କ କଥା କହିଲେ ନ ସରେ। ନିକଟରେ ବଜେଟ୍ ପାରିତ ହୋଇଥିବା ବେଳେ ଚାଷ ଉପରେ ନିର୍ଭରଶୀଳ ଚାଷୀଙ୍କ ପାଇଁ ବଜେଟ୍ରେ କିଛିନାହିଁ। କେତେକ ମୁଷ୍ଟିମେୟ ପୁଞ୍ଜିପତିଙ୍କ ସଂପତ୍ତି ବଢ଼ିବାରେ ଲାଗିଛି। ଗରିବ, ମଧ୍ୟବିତ୍ତଙ୍କ ରୋଜଗାର କମିବାରେ ଲାଗିଛି। କେନ୍ଦ୍ରର ବିଜେପି ଓ ରାଜ୍ୟର ବିଜେଡି ସରକାର ଲୋକ ଦେଖାଣିଆ ଭାବେ ଅଲଗା ବୋଲି କହୁଛନ୍ତି। ମାତ୍ର ଭିତିରିଆ ଏକ ହୋଇ ଦେଶର ପୁଞ୍ଜିପତିଙ୍କୁ ସହଯୋଗ କରୁଛନ୍ତି। ତେଣୁ ରାଜ୍ୟରେ ପରିବର୍ତନର ଏକ ସୁଯୋଗ ଆସିଛି। ଆସନ୍ତା ୧୬ତାରିଖରୁ ଭୋଟ୍ ପ୍ରକ୍ରିୟାରେ ଅଂଶଗ୍ରହଣ କରି ଦେଶ ଓ ରାଜ୍ୟରେ କିଭଳି ଶାସନ ଚାଲିଛି ତାହା ସଂପର୍କରେ ବିଚାର କରିବାକୁ ଶ୍ରୀ ନଟ୍ଟନାୟକ ନିବେଦନ କରିଛନ୍ତି।