ଏନ୍ଆଇଟି-ରାଉରକେଲାକୁ ୧୩୮ ର୍ୟାଙ୍କ୍ : ଟାଇମ୍ସ ବିଶ୍ୱବିଦ୍ୟାଳୟ ତାଲିକାରେ ଏକମାତ୍ର ଏନ୍ଆଇଟି
ପ୍ରଥମ ୧୦୦ ର୍ୟାଙ୍କ୍ରେ ମାତ୍ର ୮ଟି ଭାରତୀୟ ଅନୁଷ୍ଠାନ
ରାଉରକେଲା : ଚାରିଟି ମହାଦେଶର ୪୨ଟି ଆର୍ଥିକ ବିକାଶମୁଖୀ ରାଷ୍ଟ୍ରର ବିଶ୍ୱିଦ୍ୟାଳୟଙ୍କୁ ନେଇ ପ୍ରସ୍ତୁତ ‘ଟାଇମ୍ସ ହାୟର ଏଡୁକେଶନ୍ ଏମର୍ଜିଂ ଇକ୍ନୋମିସ୍ ୟୁନିଭରସିଟି ର୍ୟାଙ୍କିଙ୍ଗ୍-୨୦୧୮’ରେ ଦେଶର ଏକ ମାତ୍ର ନ୍ୟାସନାଲ୍ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଏନ୍ଆଇଟି) ଭାବେ ରାଉରକେଲା ୧୩୮ ର୍ୟାଙ୍କ୍ ହାସଲ କରିଛି। ଉଚ୍ଚତର ଗବେଷଣା ପାଇଁ ଏନ୍ଆଇଟି-ରାଉରକେଲା ଗତ ବର୍ଷ ତୁଳନାରେ ୫୭ଟି ସ୍ଥାନ ଉପରକୁ ଉଠି ଏ ବର୍ଷ ଏହି ର୍ୟାଙ୍କ୍ରେ ପହଞ୍ଚିଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରାଳୟ ଦ୍ୱାରା ପ୍ରକାଶିତ ନ୍ୟାସ୍ନାଲ୍ ଇନ୍ଷ୍ଟିଚ୍ୟୁଟ୍ ର୍ୟାଙ୍କିଙ୍ଗ୍ ଫ୍ରେମ୍ଓ୍ଵର୍କ (ଏନ୍ଆଇଆର୍ଏଫ୍)-୨୦୧୮ରେ ଏନ୍ଆଇଟି-ରାଉରକେଲା ଇଞ୍ଜିନିୟରିଂ ବର୍ଗରେ ଦେଶରେ ୧୫ ସ୍ଥାନରେ ଥିବା ବେଳେ ସମସ୍ତ ବିଶ୍ୱବିଦ୍ୟାଳୟକୁ ପ୍ରସ୍ତୁତ ଜାତୀୟ ତାଲିକାରେ ୪୨ ର୍ୟାଙ୍କ୍ ଅଧିକାର କରିଥିଲା। ସେହିପରି ଏସୀୟ ବିଶ୍ୱବିଦ୍ୟାଳୟଗୁଡ଼ିକୁ ନେଇ କିଛି ଦିନ ପୂର୍ବେ ପ୍ରକାଶିତ ଟାଇମ୍ସ ଉଚ୍ଚ ଶିକ୍ଷା ର୍ୟାଙ୍କ୍-୨୦୧୮ରେ ରାଜ୍ୟର ଏହି ସ୍ୱନାମଧନ୍ୟ ଅନୁଷ୍ଠାନ ୧୨୬ ର୍ୟାଙ୍କ୍ରେ ଥିଲା। ଏହାଛଡ଼ା ବ୍ରାଜିଲ୍, ଋଷିଆ, ଭାରତ, ଚିନ୍ ଓ ଦକ୍ଷିଣ-ଆଫ୍ରିକା (ବ୍ରିକ୍ସ) ରାଷ୍ଟ୍ରଗୁଡ଼ିକର ବିଶ୍ୱବିଦ୍ୟାଳୟ ସମୂହକୁ ନେଇ ପ୍ରସ୍ତୁତ ବ୍ରିକ୍ସ ବିଶ୍ୱବିଦ୍ୟାଳୟ ର୍ୟାଙ୍କିଙ୍ଗରେ ଏନ୍ଆଇଟି ୧୨୬ ସ୍ଥାନରେ ରହି ରାଜ୍ୟ ତଥା ଦେଶ ପାଇଁ ଗୌରବ ଆଣିଥିଲା।