ଦ୍ୱିତୀୟ ଦିବସରେ ନିୟମ ରାଜା ପରବ : ଆଦିବାସୀ ସମ୍ପ୍ରଦାୟକୁ ସ୍ବତନ୍ତ୍ର ଧର୍ମର ମାନ୍ୟତା ଦିଆଯାଉ
ଭବାନୀପାଟଣା : କଳାହାଣ୍ଡି ଜିଲ୍ଲାର ନିୟମଗିରି ପାହାଡ଼ ଉପରେ ଡଙ୍ଗରିଆଙ୍କ ନିୟମ ରାଜା ପରବ ଶନିବାର ଦ୍ୱିତୀୟ ଦିନରେ ପହଞ୍ଚିଛି। ଆଜି ନିୟମରାଜାଙ୍କ ପୂଜାର୍ଚ୍ଚନା କରାଯାଇଥିଲା। ପୂଜା ପରେ ବୋଦା ଓ କୁକୁଡ଼ା ବଳି ଦିଆଯାଇଥିଲା। ଏହି ପରବରେ ଗନ୍ଧମାର୍ଦନ ସୁରକ୍ଷା ସମିତି, ନିୟମଗିରି ସୁରକ୍ଷା ସମିତି, ଖଣ୍ଡୁଆଳ ମାଳି ସୁରକ୍ଷା ସମିତି ସମେତ ରାୟଗଡ଼ା, କୋରାପୁଟ, ମାଲକାନଗିରି, ନବରଙ୍ଗପୁର, ବଲାଙ୍ଗୀର ଓ ପଶ୍ଚିମ ଦକ୍ଷିଣ ଓଡ଼ିଶାର ବିଭିନ୍ନ ଆନ୍ଦୋଳନ, ସଂଗଠନର ପ୍ରତିନିଧିମାନେ ଯୋଗ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ନିୟମ ରାଜା ପରବରେ ଶହ ଶହ ସଂଖ୍ୟାରେ ଡଙ୍ଗରିଆ ଓ ଝରଣିଆ କନ୍ଧମାନେ ସାମିଲ ହୋଇଥିଲେ। ଜଳ, ଜମି ଓ ଜଙ୍ଗଲକୁ ନେଇ ଆଦିବାସୀ ସଂସ୍କୃତି ଓ ପରମ୍ପରା ପର୍ଯ୍ୟବସିତ। ଧର୍ମାନ୍ତରୀକରଣ ପାଇଁ ଉଦ୍ବେଗ ପ୍ରକାଶ ପାଇଥିଲା। ଆମେ କେଉଁ ଧର୍ମର ନୁହେଁ, ଆମର ଧର୍ମ ଆଦିବାସୀ ଓ କୁଇ ଆମର ଭାଷା ଅଟେ। ତେଣୁ ଆମର ଧର୍ମ ଆଦିବାସୀ ବୋଲି ସ୍ୱତନ୍ତ୍ର ପରିଚୟ ପ୍ରଦାନ କରାଯାଉ। ଏନେଇ ପ୍ରଶାସନ ଓ ସରକାରଙ୍କୁ ଜଣାଇବା ପାଇଁ ନିଷ୍ପତ୍ତି ହୋଇଥିଲା। ରବିବାର ନିୟମରାଜା ପରବ ଉଦ୍ଯାପିତ ହେବ।