ଶ୍ରୀଗୁଣ୍ଡିଚା ମନ୍ଦିରରେ ଦେବାକୁ ପଡ଼ିବନି ପ୍ରବେଶ ଶୁଳ୍କ, ନିଶୁଳ୍କ ଦର୍ଶନ କରିବେ ଭକ୍ତ

ପୁରୀ: ଏଣିକି ଶ୍ରୀଗୁଣ୍ଡିଚା ମନ୍ଦିରରେ ପ୍ରବେଶ ଶୁଳ୍କ ଲାଗିବ ନାହିଁ। ଅର୍ଥାତ ଭକ୍ତମାନେ ନିଶୁଳ୍କ ଦର୍ଶନ କରିପାରିବେ । କେବଳ ଗୁଣ୍ଡିଚା ମନ୍ଦିର ନୁହେଁ। ବରଂ ନରେନ୍ଦ୍ର ପୁଷ୍ମରଣୀ, ରୋହିଣୀ କୁଣ୍ଡ, ଶ୍ରୀମନ୍ଦିର ମହାଲକ୍ଷ୍ମୀ ଭଣ୍ଡାର ରୋଷ ଦର୍ଶନୀ ମାହାଲ, ନୀଳାଚଳ ଉପବନ ଓ କୋଇଲି ବୈକୁଣ୍ଠ ଆଦି ମାହାଲଗୁଡିକର ନିଲାମ ବନ୍ଦ କରାଯାଇଛି । ୨୦୨୧-୨୨ ଆର୍ଥିକ ବର୍ଷରୁ ଏହାକୁ ବନ୍ଦ କରିବା ପାଇଁ ନିଷ୍ପତି ନେଇଛି ଶ୍ରୀମନ୍ଦିର ପ୍ରଶାସନ ।

ଏହି ନିଲାମ ବନ୍ଦ କରିବା ଯୋଗୁଁ ପ୍ରାୟ ୭ କୋଟି ଟଙ୍କାର ରାଜସ୍ୱ ହାନି ହେବ । ତେବେ ପରିଚାଳନା କମିଟିର ନିଷ୍ପତି ଅନୁସାରେ ଭକ୍ତଙ୍କୁ ନିଶୁଳ୍କ ସେବା ଓ ଦର୍ଶନ ପାଇଁ ଏଭଳି ନିଷ୍ପତି ନେଇଛି ଶ୍ରୀମନ୍ଦିର ପ୍ରଶାସନ । ଶ୍ରୀଗୁଣ୍ଡିଚା ମନ୍ଦିରରେ ଭକ୍ତଙ୍କ ପ୍ରବେଶ ପାଇଁ ପୂର୍ବରୁ ୨୦ ଟଙ୍କା ଲେଖାଏଁ ପ୍ରବେଶ ଶୁଳ୍କ ନେଉଥିଲେ ନିଲାମଧାରୀ । ସେହିପରି ନରେନ୍ଦ୍ର ପୁଷ୍କରଣୀ ପାଇଁ ଯାତ୍ରୀଙ୍କୁ ଟଙ୍କା ଦେବାକୁ ପଡ଼ୁଥିଲା । ରୋହିଣୀ କୁଣ୍ଡ ପାଇଁ ମଧ୍ୟ ଭକ୍ତଙ୍କୁ ଅର୍ଥ ଦେବାକୁ ପଡ଼ୁଥିଲା । ଏସବୁ ନିଶୁଳ୍କ ହେବା ପରେ ପ୍ରଶାସନକୁ ସାଧୁବାଦ ଦେଇଛନ୍ତି ଭକ୍ତ ଓ ଶ୍ରଦ୍ଧାଳୁ ।

ସମ୍ବନ୍ଧିତ ଖବର