କୋଭିଡରୁ ବର୍ତ୍ତିବା ଲାଗି ୫ ବର୍ଷ ବୟସରୁ ଊର୍ଦ୍ଧ୍ୱ ଶିଶୁ ମାସ୍କ ପିନ୍ଧିଲେ ଭଲ: ବିଶେଷଜ୍ଞ
ଭୁବନେଶ୍ୱର: ବିଶେଷଜ୍ଞ ଡାକ୍ତରଙ୍କ କହିବା ଅନୁସାରେ ୫ ବର୍ଷରୁ ବଡ଼ ସମସ୍ତ ଶିଶୁ ମାସ୍କ ବ୍ୟବହାର କରିବା ଉଚିତ। ବାପା-ମା’ ପିଲାଙ୍କୁ ମାସ୍କ ଠିକ୍ ଭାବେ ପିନ୍ଧିବାକୁ ଶିଖାଇବା ଓ ଅଭ୍ୟାସ କରାଇବା ଉଚିତ। ୫ ବର୍ଷ ତଳକୁ ପିଲା ମାସ୍କ ପିନ୍ଧିବା ଦରକାର ନାହିଁ। କାରଣ ସେମାନେ ମାସ୍କ ଠିକ ଭାବେ ପିନ୍ଧି ପାରିବେ ନାହିଁ। ବାରମ୍ବାର ମୁହଁରେ ହାତମାରିବେ ଓ ମାସ୍କ ବାହାର କରିଦେବେ। ଅତି ଛୋଟ ଶିଶୁଙ୍କର ନିଶ୍ୱାସ ପ୍ରଶ୍ୱାସରେ ମଧ୍ୟ କିଛିଟା ଅସୁବିଧା ହେବ।
Sambad is now on WhatsApp
Join and get latest news updates delivered to you via WhatsApp
ଶିଶୁ ଯଦି କୋଭିଡ ଲକ୍ଷଣ ଯୁକ୍ତ ହୋଇଥାଏ, ତେବେ ତାକୁ ଅନ୍ୟମାନଙ୍କ ଠାରୁ ଅଲଗା ରଖନ୍ତୁ ଓ ପରିବାରର ଅନ୍ୟମାନେ ଡବଲ ମାସ୍କ ବ୍ୟବହାର କରନ୍ତୁ। ଶିଶୁ ମାନଙ୍କ କ୍ଷେତ୍ରରେ ମାସ୍କ ବ୍ୟବହାରର ଅନ୍ୟ ସମସ୍ତ ନିୟମ ବୟସ୍କଙ୍କ ସହ ସମାନ।
ଜ୍ୱର, କାଶ, ଥଣ୍ଡା (ନାକରୁ ପାଣି ବହିବା), ତଣ୍ଟି ଦରଜ, ଧଇଁ ସଇଁ ଓ ଅଣନିଶ୍ୱାସୀ ହେଲେ ଶୁଶୁର କୋଭିଡ ଲକ୍ଷଣ ବୋଲି ଧରାଯିବ। କୋଭିଡର ଅସ୍ୱାଭାବିକ ଲକ୍ଷଣ ଗୁଡ଼ିକ ହେଲା ପେଟ ଯନ୍ତ୍ରଣା, ପତଳା ଝାଡ଼ା, ଦେହ/ଆଙ୍ଗୁଳି/ବାଇଗଣି ରଙ୍ଗର ମନ୍ଦା ମନ୍ଦା ହୋଇ ଫଳିବା।