୩୯୧ ଇଞ୍ଜିନିୟର ପଦ ପୂରଣ ପାଇଁ ବିଜ୍ଞପ୍ତି
କଟକ : ପ୍ରଥମ କରି ଓଡ଼ିଶା ଲୋକସେବା ଆୟୋଗ (ଓପିଏସ୍ସି) ଏକାଥରରେ ୩୯୧ ସହକାରୀ ଯନ୍ତ୍ରୀ (ଆସିଷ୍ଟାଣ୍ଟ୍ ଇଂଜିନିଅର) ପଦବି ପାଇଁ ବିଜ୍ଞାପନ ପ୍ରକାଶ କରିଛନ୍ତି। ଏଥିପାଇଁ ପ୍ରାର୍ଥୀଙ୍କ ଠାରୁ ଅନଲାଇନ୍ରେ ଦରଖାସ୍ତ ଆହ୍ବାନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆସନ୍ତା ୨୯ ତାରିଖରୁ ଏପ୍ରିଲ ୨୮ ତାରିଖ ମଧ୍ୟରେ ପ୍ରାର୍ଥୀମାନେ ଆବେଦନ କରିପାରିବେ ବୋଲି ତାରିଖ ଧାର୍ଯ୍ୟ କରାଯାଇଛି। ବିଜ୍ଞାପନରେ ୩୬୨ଟି ସହକାରୀ ଯନ୍ତ୍ରୀ (ସିଭିଲ) ପାଇଁ ଦରଖାସ୍ତ ଆହ୍ବାନ କରାଯାଇଛି। ସେଥିରୁ ୧୨୦ଟି ପଦବି ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି। ଜଳସଂପଦ, ପୂର୍ତ୍ତ ବିଭାଗ ନଗର ଉନ୍ନୟନ ବିଭାଗର ଆବଶ୍ୟକତା ମୁତାବକ ଏହି ପଦବି ପାଇଁ ବିଜ୍ଞାପନ ପ୍ରକାଶ ପାଇଛି। ସେହିଭଳି ମେକାନିକାଲରେ ୨୯ଟି ପଦବି ପାଇଁ ଦରଖାସ୍ତ ଆହ୍ବାନ କରାଯାଇଛି। ଜଳସଂପଦ ବିଭାଗରେ ଏହି ପଦବି ପୂରଣ କରାଯିବ। ୨୯ଟି ପଦବିରୁ ୯ଟି ପଦବି ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି। ସିଭିଲ ଇଂଜିନିୟର ପାଇଁ ମୋଟ ୩୬୨ଟି ପଦବିରୁ ୧୯୨ ଅସଂରକ୍ଷିତ, ଏସଇବିସି ପାଇଁ ୩୯, ଅନୁସୂଚିତ ଜାତି ପାଇଁ ୧୧୨, ଅନୁସୂଚିତ ଜନଜାତି ପାଇଁ ୧୯ଟି ପଦବି ପାଇଁ ସଂରକ୍ଷିତ ରଖାଯାଇଛି। ସେହିଭଳି ମେକାନିକାଲର ୨୯ଟି ପଦବିରୁ ୧୫ଟି ଅଂସରକ୍ଷିତ ଥିବା ବେଳେ ୩ଟି ଏସଇବିସି, ୩ଟି ଅନୁସୂଚିତ ଜାତି ଓ ୮ଟି ଅନୁସୂଚିତ ଜନଜାତି ପାଇଁ ଏହାକୁ ସଂରକ୍ଷିତ ରଖାଯାଇଛି।