ଓସିଏର ନୂଆ ସଭାପତି ଭାବେ ନିର୍ଦ୍ୱନ୍ଦ୍ବରେ ନିର୍ବାଚିତ ହେଲେ ବିଧାୟକ ପ୍ରଣବ ପ୍ରକାଶ ଦାସ

କଟକ: ଆନୁଷ୍ଠାନିକ ଭାବେ ଓସିଏରେ ଘୋଷଣା ହେଲା ନିର୍ବାଚନ ଫଳାଫଳ। ବାଣ ଫୁଟି ବିଜୟ ଉତ୍ସବ ହେଲା ପାଳନ। ନିର୍ଦ୍ୱନ୍ଦ୍ବରେ ନିର୍ବାଚିତ ହେଲେ ଓସିଏର ସଞ୍ଜୟ ପ୍ୟାନେଲ। ୬ଟି ପଦବୀ ପାଇଁ ନିର୍ଦ୍ୱନ୍ଦ୍ବରେ ନିର୍ବାଚିତ ହେଲେ ପାର୍ଥୀ। ବିଧାୟକ ପ୍ରଣବ ପ୍ରକାଶ ଦାସ ଓସିଏର ନୂଆ ସଭାପତି ହେଲେ। ସେହପରି ସଞ୍ଜୟ ବେହେରା  ଦ୍ୱିତୀୟ ଥର ଭାବରେ ଓସିଏର ସମ୍ପାଦକ ଭାବରେ ନିଜର ଗାଦି ଅଧିକୃତ କରିଛନ୍ତି। ବିକାଶ ପ୍ରଧାନ ପୁଣି ଥରେ କୋଷାଧକ୍ଷ ପଦ ବଜାୟ ରଖିଛନ୍ତି।

ଆଗାମୀ ଦିନରେ କିପରି ତୃଣମୂଳ ସ୍ତରରୁ କ୍ରିକେଟର ସୃଷ୍ଟି ହେବେ ତାହା ଉପରେ ଗୁରୁତ୍ୱ ଦିଆଯିବ ଓ ବାରବାଟୀ ଷ୍ଟାଡିଅମର ଆହୁରି ବିକାଶ କରାଯିବ ବୋଲି କହିଛନ୍ତି ସଭାପତି ପ୍ରଣବ ପ୍ରକାଶ ଦାସ। ଏହାସହ ଯେଉଁ ଭିଜନ୨୦୨୪ ପାଇଁ ରହିଥିଲା ତାହା ଉପରେ ଆହୁରି ଦୃଷ୍ଟି ଦିଆଯିବ। ଜିଲା ସ୍ତରରେ ଯେଉଁ ଏକାଡେମି ହେବାର ଯୋଜନା ରହିଛି, ସେଥିରେ ଟରଫ ୱେକେଟ ରଖାଯିବ ବୋଲି କହିଛନ୍ତି ଓସିଏ ସମ୍ପାଦକ।