କଟକ : ଦୀର୍ଘଦିନର ପ୍ରତୀକ୍ଷାର ଅନ୍ତ ଘଟିଛି। ଖୁବ୍ଶୀଘ୍ର ଓଡ଼ିଶା ସଭିଲ ସର୍ଭିସ (ଓସିଏସ୍-୨୦୨୦) ପରୀକ୍ଷାଫଳ ପ୍ରକାଶ ପାଇବାକୁ ଯାଉଛି। ଏ ନେଇ ଆଜି ଓଡ଼ିଶା ଲୋକ ସେବା ଆୟୋଗ( ଓପିଏସସି) ଅଧ୍ୟକ୍ଷ ଡକ୍ଟର ସତ୍ୟଜିତ ମହାନ୍ତି ଟୁଇଟ୍ କରି ସୂଚନା ଦେଇଛନ୍ତି। ଚଳିତ ସପ୍ତାହ ଶେଷ ସୁଦ୍ଧା ଓସିଏସ୍-୨୦୨୦ ପରୀକ୍ଷାଫଳ ପ୍ରକାଶ ପାଇବ। ଏଥିସହିତ, ଚଳିତ ମାସ ତୃତୀୟ ସପ୍ତାହରୁ ଏହି ପରୀକ୍ଷାରେ କୃତକାର୍ଯ୍ୟ ହୋଇଥିବା ପ୍ରାର୍ଥୀମାନଙ୍କର ସାକ୍ଷାତକାର ପରୀକ୍ଷା କରାଯିବ ବୋଲି ସ୍ପଷ୍ଟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତଥ୍ୟ ମୁତାବକ, ଓପିଏସ୍ସି ବିଜ୍ଞପ୍ତି ନଂ-୭-୨୦୨୦-୨୧ରେ ଏହି ପରୀକ୍ଷା ପାଇଁ ବିଜ୍ଞାପନ ପ୍ରକାଶ ପାଇଥିଲା। ଗ୍ରୁପ୍ ‘ଏ’ ଓ ‘ବି’ର ମୋଟ ୩୯୨ଟି ପଦବି ପାଇଁ ବିଜ୍ଞାପନ ପ୍ରକାଶ ପାଇଥିଲା। ଓଏଏସ୍ ଗ୍ରୁପ ‘ଏ’ ପାଇଁ ୧୩୭, ଓଏଫଏସ ଗ୍ରୁପ ‘ଏ’ ପାଇଁ ୧୦୪, ଓପିଏସ ଗ୍ରୁପ ‘ଏ’ ପାଇଁ ୬, ଓସିଏସ( ଏଆରସିଏସ୍/ଏଜିସିଏସ ଗ୍ରୁପ ‘ବି’ ପାଇଁ ୮, ଓଆରଏସ ଗ୍ରୁପ ‘ବି’ ପାଇଁ-୭୪, ଓଟି/ଏଏସ ଗ୍ରୁପ ‘ବି’ ପାଇଁ ୬୨, ଏଭଳି ମୋଟ ୩୯୨ଟି ପଦବି ପୂରଣ ପାଇଁ ପରୀକ୍ଷା ଅନୁଷ୍ଠିତ ହୋଇଥିଲା।