କଟକ : ଓଡ଼ିଶା ସିଭିଲ୍‌ ସର୍ଭିସ ମୁଖ୍ୟ ଲିଖିତ ପରୀକ୍ଷା( ଓସିଏସ୍) ଫେବ୍ରୁଆରି ୨୧ ତାରିଖରୁ ଆରମ୍ଭ ହେବ। ଆଜି ଏ ସଂପର୍କରେ ଓଡ଼ିଶା ଲୋକସେବା ଆୟୋଗ( ଓପିଏସସି) ପକ୍ଷରୁ ଏକ ସଂଶୋଧିତ ବିଜ୍ଞପ୍ତି ପ୍ରକାଶ ପାଇଛି। ପୂର୍ବରୁ ପ୍ରକାଶ ପାଇଥିବା ପରୀକ୍ଷା କାର୍ଯ୍ୟସୂଚୀରେ ପରିବର୍ତ୍ତନ କରାଯାଇଛି। ପୂର୍ବରୁ ଫେବ୍ରୁଆରି ୨୨ ତାରିଖରୁ ମାର୍ଚ୍ଚ ୮ ତାରିଖ ମଧ୍ୟରେ ଓସିଏସ୍ ପରୀକ୍ଷା ଅନୁଷ୍ଠିତ ହେବ ବୋଲି କାର୍ଯ୍ୟସୂଚୀ ପ୍ରକାଶ ପାଇଥିବା ବେଳେ ସଂଶୋଧିତ ବିଜ୍ଞପ୍ତିରେ ଏହି ପରୀକ୍ଷ‌ା ୨୧ ତାରିଖରୁ ଆରମ୍ଭ ହୋଇ ମାର୍ଚ୍ଚ ୧୩ ତାରିଖରେ ଶେଷ ହେବ ବୋଲି ଓପିଏସ୍ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି।