ରାୟଗଡ଼ା: ସ୍ଥାନୀୟ ତୁମ୍ବିଗୁଡ଼ା ଛକ ନିକଟରେ ଏକ ମାଲ ବୋଝେଇ ଆନ୍ଧ୍ରପ୍ରଦେଶ ଟ୍ରକ ଧକ୍କାରେ ଓଡ଼ିଆ ବାଇକ୍‌ ଚାଳକଙ୍କ ମୃତ୍ୟୁ ଘଟିଛି। ସୂଚନା ଅନୁଯାୟୀ ୩୨୬ ଜାତୀୟ ରାଜପଥର ତୁମ୍ବିଗୁଡା ଛକରେ ଏକ ମାଲ ବୋଝେଇ ଟ୍ରକ ନମ୍ୱର ଏପି ୩୧ଟି ଡବ୍ଲୁ ୯୩୨୮ ବାଇକ ଚାଳକଙ୍କୁ ଶକ୍ତ ଧକ୍କା ଦେଇଥିଲା। ବାଇକ ଚାଳକ ଜଣକ ଗୁରୁତର ହେବାରୁ ସ୍ଥାନୀୟ ଲୋକେ ତୁରନ୍ତ ତାଙ୍କୁ ମୂଖ୍ୟ ଚିକିତ୍ସାଲୟକୁ ଆମ୍ବୁଲେନସ ଯୋଗେ ପହଞ୍ଚାଇଥିଲେ। ସେଠାର ଡାକ୍ତର ମୃତ୍ୟୁ ବୋଲି ଘୋଷଣା କରିଥିଲେ। ଦୁଇ ଚକିଆ ଯାନ ଚାଳକଙ୍କ ନାମ ରାଇପାଲ୍ଲି ରମେଶ କୁମାର(୫୦)। ସାଇପ୍ରିୟା ନଗର ବାସିନ୍ଦା ବୋଲି ଜଣାପଡିଛି। ତୁମ୍ବିଗୁଡ଼ା ଛକ ନିକଟରେ ବିରିୟାନି ତିଆରି କରି ବିକ୍ରି କରିଥାନ୍ତି। ମୁଖ୍ୟ ବଜାରରୁ ସାମଗ୍ରି କିଣି ଘରକୁ ଫେରୁ ଥିବା ସମୟରେ ଏହି ଅଭାବନୀୟ ଘଟଣା ଘଟିଥିଲା। ଘରେ ସେ ଜଣେ ରୋଜଗାରିଆ ହୋଇଥିବାରୁ ପରିବାର ପ୍ରତିପୋଷଣ କିପରି ହେବ ସେନେଇ ପରିବାର ଲୋକେ ଚିନ୍ତାରେ ପଡିଛନ୍ତି। ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି।