ଦିଲ୍ଲୀରେ ଓଡ଼ିଆ ଏନଏସଏସ ସ୍ୱେଚ୍ଛାସେବୀଙ୍କ ଚମତ୍କାର ପ୍ରଦର୍ଶନ
ମନମୋହିଲା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ବବିଦ୍ୟାଳୟ ଛାତ୍ରଙ୍କ ଚିତ୍ର
ବାରିପଦା: ଆସନ୍ତା ୨୬ ତାରିଖ ସାଧାରଣତନ୍ତ୍ର ଦିବସ ଉପଲକ୍ଷେ ଦିଲ୍ଲୀଠାରେ ହେବାକୁ ଥିବା ପ୍ୟାରେଡ୍ରେ ଅଂଶଗ୍ରହଣ ନିମନ୍ତେ ରାଜ୍ୟର ବିଭିନ୍ନ ବିଶ୍ୱବିଦ୍ୟାଳୟରୁ ୮ ଜଣ ସ୍ୱେଚ୍ଛାସେବୀ ଦିଲ୍ଲୀ ଯାଇଛନ୍ତି। ଏମାନଙ୍କ ମଧ୍ୟରେ ବାରିପଦାସ୍ଥିତ ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ଜାତୀୟ ସେବା ଯୋଜନା ଅଧିକାରୀ ସ୍ମୃତି ରଞ୍ଜନ ଦାସ ଦିଲ୍ଲୀ ଯାତ୍ରା କରିଛନ୍ତି । ସେଠାରେ ଏକ ମାସର ରହଣୀ ସମୟରେ ପ୍ୟାରେଡ୍ ପୂର୍ବରୁ ସ୍ୱେଚ୍ଛାସେବୀମାନେ ସଂସ୍କୃତି ଓ ପରମ୍ପରା ଆଧାରିତ ବିଭିନ୍ନ ନୃତ୍ୟଗୀତ ପ୍ରଦର୍ଶନ କରି ଭାରତର ଅନ୍ୟ ସମସ୍ତ ରାଜ୍ୟ ତୁଳନାରେ ଉତ୍କର୍ଷ ପ୍ରଦାନ କରି ସମସ୍ତଙ୍କୁ ମୁଗ୍ଧ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ସ୍ୱେଚ୍ଛାସେବୀ ଦୀପକ କୁମାର ଗିରି ଜାତିର ପିତା ମହାତ୍ମା ଗାନ୍ଧୀଙ୍କ ଆକର୍ଷଣୀୟ ଚିତ୍ର ଅଙ୍କନ କରି ସମସ୍ତଙ୍କ ମଧ୍ୟରେ ଗଭୀର ଆଲୋଡ଼ନ ସୃଷ୍ଟି କରାଇଛନ୍ତି । ସେହିପରି ବ୍ରହ୍ମପୁର ବିଶ୍ୱବିଦ୍ୟାଳୟର ସ୍ୱେଚ୍ଛାସେବୀ ନେହା ପ୍ରଧାନଙ୍କ ରଣପା ନୃତ୍ୟ ସମସ୍ତଙ୍କୁ ଚମତ୍କୃତ କରିଥିଲା। ଏଥିସହିତ ବର୍ଷାରାଣୀ ସାହୁ, ରୁବିନା ପ୍ରଧାନ, ହିମାଦ୍ରୀତନୟା ହରିଚନ୍ଦନ, ଦୀପକ କୁମାର ଗିରି, ଡମ୍ବରୁଧର ଗରଡ଼ା ଓ ସ୍ୱରାଜ ମହାନ୍ତିଙ୍କ ସମବେତ ସମ୍ବଲପୁରୀ ନୃତ୍ୟ ଉପସ୍ଥିତ ବ୍ୟକ୍ତି ଓ ଦର୍ଶକମାନଙ୍କୁ ମନ୍ତ୍ରମୁଗ୍ଧ କରିଥିଲା । ଏଥି ସହିତ ଉପସ୍ଥିତ ଭାରତର ଅନ୍ୟ ସମସ୍ତ ରାଜ୍ୟର ଅଧିକାରୀମାନେ ଉତ୍କଳର କଳା ଓ ସଂସ୍କୃତିର ଭୂୟସୀ ପ୍ରଶଂସା କରିଥିଲେ।