ଭୁବନେଶ୍ବର: ଏପ୍ରିଲ ୧ ତାରିଖ ‘ଓଡ଼ିଶା ଦିବସ’ ପାଳନ ଅବସରରେ ରାଜ୍ୟବାସୀ ଓଡ଼ିଶାର ହାତବୁଣା ବସ୍ତ୍ର ପରିଧାନ କରିବାକୁ ‘ସମ୍ବାଦ’ ସମ୍ପାଦକ ତନୟା ପଟ୍ଟନାୟକ ଆହ୍ବାନ ଦେଇଥିଲେ। ଏହି ପରିପ୍ରେକ୍ଷୀରେ ଆଜି ରାଜ୍ୟର ସଂଗଠନ, ଶିକ୍ଷାନୁଷ୍ଠାନ, ସରକାରୀ ଓ ବେସରକାରୀ ସଂସ୍ଥା, ବହୁ ଆପାର୍ଟମେଣ୍ଟ ଓ କଲୋନିର ଅଧିବାସୀ ହସ୍ତତନ୍ତ ପୋଷାକ ପିନ୍ଧି ଏକାଠି ହୋଇ ଫଟୋ ଉଠାଇବା ସହ ‘‌ବନ୍ଦେ ଉତ୍କଳ ଜନନୀ’ ଗାନ କରିଥିଲେ। ଏଥି ସହ ଭୁବନେଶ୍ବରସ୍ଥିତ ‘ସମ୍ବାଦ’ କାର୍ଯ୍ୟାଳୟ ସମେତ ସମସ୍ତ ସଂସ୍କରଣସ୍ତରରେ ସହଯୋଗୀମାନେ ତଥା ‘ସମ୍ବାଦ ସାହିତ୍ୟଘର’ର ବିଭିନ୍ନ ଶାଖାର ସଦସ୍ୟମାନେ ହସ୍ତତନ୍ତ ବସ୍ତ୍ର ପରିଧାନ କରି ଓଡ଼ିଶା ହସ୍ତତନ୍ତର ପ୍ରଚାରପ୍ରସାର ଦିଗରେ ପ୍ରଥମ ପାଦ ଆଗକୁ ବଢ଼ାଇଛନ୍ତି।