ସେପ୍ଟେମ୍ବର ୩୦ ପୂର୍ବରୁ ବିଧାନସଭା ବସିବା ପ୍ରସଙ୍ଗ : କେନ୍ଦ୍ର ଗାଇଡ୍ଲାଇନ୍ ମିଳିବା ପରେ ନିଷ୍ପତ୍ତି ନିଆଯିବ: ବାଚସ୍ପତି
ଭୁବନେଶ୍ବର : କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ଗାଇଡ୍ ଲାଇନ୍ ମିଳିବା ପରେ ଓଡ଼ିଶା ବିଧାନସଭା କେଉଁଠି ଓ କିପରି ବସିବ ସେ ନେଇ ନିଷ୍ପତ୍ତି ନିଆଯିବ। ସେପ୍ଟେମ୍ବର ୩୦ ପୂର୍ବରୁ ବିଧାନସଭା ମୌସୁମୀ ଅଧିବେଶନ ଡାକିବା ନେଇ ଆଜି ଏପରି ସୂଚନା ଦେଇଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର। କହିଛନ୍ତି ନିକଟରେ ସେ ଲୋକସଭା ବାଚସ୍ପତି ଓ ସଚିବଙ୍କ ସହ ଏ ସମ୍ପର୍କରେ କଥା ହୋଇଛନ୍ତି। କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଗାଇଡ୍ଲାଇନ୍ ମିଳିବା ପରେ ଇ-ମେଲ୍ ଯୋଗେ ଲୋକସଭା ସଚିବ ଓଡ଼ିଶା ବିଧାନସଭା ସଚିବାଳୟକୁ ପଠାଇବେ। ଏହି ଗାଇଡ୍ଲାଇନ୍କୁ ଅନୁସରଣ କରି ରାଜ୍ୟ ସରକାରଙ୍କ କୋଭିଡ୍ ଆଇନ ଅନ୍ତର୍ଗତ ବିଧାନସଭା ଡାକିବାକୁ ପଦକ୍ଷେପ ନିଆଯିବ ବୋଲି ଶ୍ରୀ ପାତ୍ର କହିଛନ୍ତି।
