୪ରୁ ବିଧାନସଭା
୭ରେ କାମଚଳା ବଜେଟ, ରାଜଭବନକୁ ଗଲା ପ୍ରସ୍ତାବ
ଭୁବନେଶ୍ବର : ଫେବ୍ରୁଆରି ୪ ତାରିଖରୁ ବିଧାନସଭା ଆରମ୍ଭ େହାଇ ୧୨ ତାରିଖ ପର୍ଯ୍ୟନ୍ତ ଚାଲିବ। ସାଧାରଣ ନିର୍ବାଚନ ବର୍ଷ ହୋଇଥିବାରୁ ଏଥର ପୂର୍ଣ୍ଣାଙ୍ଗ ବଜେଟ୍ ବଦଳରେ କାମଚଳା ବଜେଟ୍ ଉପସ୍ଥାପନ େହବ। ଏଥିପାଇଁ ୭ ତାରିଖ ଦିନଟିକୁ ଧାର୍ଯ୍ୟ କରାଯାଉଛି। ୮ ତାରିଖରେ ବ୍ୟୟ ମଞ୍ଜୁରି ବିଲ୍ ଆଗତ େହାଇପାରେ।
Sambad is now on WhatsApp
Join and get latest news updates delivered to you via WhatsApp
ଏମିତି ପ୍ରସ୍ତାବ ରଖି ରାଜ୍ୟ ସରକାର ରାଜ୍ୟପାଳଙ୍କ ଅନୁେମାଦନ ଲୋଡିଛନ୍ତି। ରାଜ୍ୟପାଳଙ୍କ ଦସ୍ତଖତ ପରେ ଏ ସଂକ୍ରାନ୍ତରେ ବିଧିବଦ୍ଧ ସମନ ଜାରି କରାଯିବ।
ପ୍ରସ୍ତାବ ଅନୁସାରେ, ୪ ତାରିଖ ଦିନ ରାଜ୍ୟପାଳ ଗୃହରେ ତାଙ୍କ ଅଭିଭାଷଣ ରଖିବେ। ରାଜ୍ୟପାଳ ଭାବେ ନିଯୁକ୍ତି ପରେ ପ୍ରଫେସର ଗଣେଶୀଲାଲଙ୍କର ଏହା ପ୍ରଥମ ଅଭିଭାଷଣ ହେବ। ଅଧିବେଶନରେ େମାଟ ୭ଟି କାର୍ଯ୍ୟଦିବସ ରହିଛି। ଏଥିରୁ ୬ଟି ସରକାରୀ ଓ େଗାଟିଏ େବସରକାରୀ ଦିବସ।
୪ ତାରିଖରେ ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନା ଆରମ୍ଭ ହୋଇ ଫେବ୍ରୁଆରି ୫ ଓ ୬ ତାରିଖ ପର୍ଯ୍ୟନ୍ତ ଚାଲିବ । ୭ ତାରିଖରେ ୪ ମାସପାଇଁ କାମଚଳା ବଜେଟ ଆଗତ କରିବେ ଅର୍ଥମନ୍ତ୍ରୀ ଶଶିଭୂଷଣ ବେହେରା । ୮ ତାରିଖରେ ବ୍ୟୟ ମଞ୍ଜୁରି ବିଲ ପାରିତ ହେବ । ୯ ଓ ୧୦ ତାରିଖ ସରକାରୀ ଛୁଟି ଦିବସ ରହିଛି । ୧୧ ତାରିଖ ସରକାରୀ କାର୍ଯ୍ୟଦିବସ ଥିବାବେଳେ ୧୨ ତାରିଖ ବେସରକାରୀ ବିଲ ଆଲୋଚନା ପାଇଁ ଧାର୍ଯ୍ୟ କରାଯାଇଛି ।