କରୋନା ମୁକାବିଲା ପାଇଁ କିମ୍ସ ପ୍ରସ୍ତୁତ: ଯୁଦ୍ଧକାଳୀନ ଭିତ୍ତିରେ ଚାଲିଛି ‘କୋଭିଡ-୧୯’ ହସ୍ପିଟାଲର ପ୍ରସ୍ତୁତି କାର୍ଯ୍ୟ
ସମୀକ୍ଷା କଲେ ମୁଖ୍ୟ ଶାସନ ସଚିବଙ୍କ ସହ ଫାଇଭ-ଟି ସଚିବ
ଭୁବନେଶ୍ବର: କରୋନା ମୁକାବିଲା ପାଇଁ ଜୋରଦାର ପ୍ରସ୍ତୁତି ଚଳାଇଛି ଓଡିଶା । ରାଜ୍ୟ ସରକାର ଯୁଦ୍ଧକାଳୀନ ଭିତ୍ତିରେ କୋଭିଡ-୧୯ ହସ୍ପିଟାଲ ପ୍ରତିଷ୍ଠା ପାଇଁ ଦୁଇ ଦିନ ତଳେ ଘୋଷଣା କରିଥିଲେ । ଆଉ ସଙ୍କଟ ସମୟରେ ମେଡିକାଲ ପ୍ରତିଷ୍ଠା ପାଇଁ ରାଜ୍ୟ ସରକାରଙ୍କୁ ସହଯୋଗର ହାତ ବଢାଇଥିଲେ ଦୁଇ ଘରୋଇ ହସ୍ପିଟାଲ କିମ୍ସ ଓ ସମ୍ । ଆଉ କରୋନା ମୁକାବିଲା ପାଇଁ ହସ୍ପିଟାଲ ନେଇ ଚୁକ୍ତିନାମା ମଧ୍ୟ ସ୍ୱାକ୍ଷରିତ ହୋଇଥିଲା । ତେବେ ଇତି ମଧ୍ୟରେ କିମ୍ସ ହସ୍ପିଟାଲରେ କେମିତି ଚାଲିଛି କୋଭିଡ-୧୯ ହସ୍ପିଟାଲର ପ୍ରସ୍ତୁତି କାର୍ଯ୍ୟ ? ସେନେଇ ସ୍ଥିତି ସମୀକ୍ଷା ପାଇଁ କିମ୍ସରେ ପହଞ୍ଚିଥିଲେ ମୁଖ୍ୟ ଶାସନ ସଚିବଙ୍କ ସହ ଫାଇଭ-ଟି ସଚିବ ଭି.କେ ପାଣ୍ଡିଆନ ।
Sambad is now on WhatsApp
Join and get latest news updates delivered to you via WhatsApp
500 bed well equipped exclusive Odisha Covid hospital is shaping up fast thanks to the efforts by MP Sri samant & Kims , OMC & the health department’s determined effort . Inspected the premises accompanied by 5-T Secy & the Pr Secy Health. In a weeks time it will be all ready ! pic.twitter.com/vxvE8p2Qvo
— ChiefSecyOdisha (@SecyChief) March 28, 2020
କିମ୍ସରେ ପାଖାପାଖି ୫୦୦ ବେଡ ହେବାକୁ ଥିବା ବେଳେ ୨୪ ଘଣ୍ଟା ଭିତରେ ପାଖାପାଖି ୭୫ ପ୍ରତିଶତ କାମ ସରିଛି । କରନା ଆକ୍ରାନ୍ତ ଯେଉଁମାନେ ଆସିବେ ସେମାନଙ୍କ ଚିକିତ୍ସା ପାଇଁ ବେଡ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ ପହଞ୍ଚିଛି । ତେବେ ଆଗାମୀ ୨୪ ଘଣ୍ଟାରେ ସମ୍ପୂର୍ଣ୍ଣ କାମ ସାରିବାକୁ ଲକ୍ଷ୍ୟ ରଖାଯାଇଥିବା ବେଳେ ଏହାର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ, ଫାଇଭ-ଟି ସଚିବ ଭି.କେ ପାଣ୍ଡିଆନ, ସ୍ୱାସ୍ଥ୍ୟ ସଚିବ ନିକୁଞ୍ଜ ଧଳ ଏବଂ ଡିଏମଇଟି ସିବିକେ ମହାନ୍ତି ।
ଆଗାମୀ ୧୫ ଦିନ ଭିତରେ ରାଜ୍ୟରେ କରୋନା ମୁକାବିଲା ପାଇଁ ଏକ ହଜାର ବେଡର ହସ୍ପିଟାଲ ପାଇଁ ନିଷ୍ପତ୍ତି ନେଇଥିଲେ ରାଜ୍ୟ ସରକାର । ବିଶ୍ୱ ମହାମାରୀକୁ ରୋକିବାକୁ ଆଉ ଏହାର ମୁକାବିଲା କରିବାକୁ ଆଗୁଆ ପଦକ୍ଷେପ ନେଇଥିଲେ ସରକାର । ତେବେ ସାରା ଦେଶରେ ଓଡିଶା ହେଉଛି ପ୍ରଥମ ରାଜ୍ୟ ଯିଏ କି ଯୁଦ୍ଧକାଳୀନ ଭିତ୍ତିରେ ୧୫ ଦିନରେ କୋଭିଡ-୧୯ ହସ୍ପିଟାଲ ପ୍ରତିଷ୍ଠା ପାଇଁ ନିଷ୍ପତ୍ତି ନେଇଛି ଆଉ ସାରା ଦେଶକୁ ବାଟ ଦେଖାଇଛି ।