ଭୁବନେଶ୍ବର: ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ଓ ସ୍ବତନ୍ତ୍ର ରିଲିଫ କମିସନର ବିଷ୍ଣୁପଦ ସେଠୀଙ୍କୁ ପ୍ରଦେଶ କ˚ଗ୍ରେସ କମିଟି କୃଷକ ସେଲ୍ ଅଧ୍ୟକ୍ଷ ଅମୀୟ କୁମାର ପଟ୍ଟନାୟକ ଚାଷୀ ସମସ୍ୟା ସଂପର୍କିତ ସ୍ମାରକ ପତ୍ର ଦେଇଛନ୍ତି। ସରକାରୀ ରିପୋର୍ଟରେ ସୋନପୁର ଜିଲ୍ଲାର ମରୁଡ଼ି ଓ ଚକଡ଼ା ପୋକ ଦ୍ବାରା କ୍ଷତିଗ୍ରସ୍ତ ଜମିଗୁଡ଼ିକ ତଥ୍ୟ କାହିଁ ବୋଲି ପଚାରିଛନ୍ତିି।
Sambad is now on WhatsApp
Join and get latest news updates delivered to you via WhatsApp
କୃଷକ ସେଲ୍ ଅଧ୍ୟକ୍ଷ ଶ୍ରୀ ପଟ୍ଟନାୟକ ଏକ ବିବୃତିରେ କହିଛନ୍ତି ଯେ ସୋନପୁର ଜିଲ୍ଲାର ୬ଟି ବ୍ଲକ ମଧ୍ୟରୁ ଉଲୁଣ୍ଡା, ତରଭା ଓ ସୋନପୁର ବ୍ଲକ ବିଶେଷ ଭାବେ ପ୍ରଭାବିତ। ସେସବୁ ବ୍ଲକର ଅଧିକାଂଶ ଜମି ଚକଡ଼ା ଓ ମରୁଡ଼ି ଦ୍ବାରା କ୍ଷତିଗ୍ରସ୍ତ ହୋଇଛି। ଚାଷୀମାନେ ମୁଣ୍ଡରେ ହାତ ଦେଇ ବସିଛନ୍ତିି। କେବଳ ସୋନପୁର ନୁହେଁ, ରାଜ୍ୟର ଅଧିକାଂଶ ଜିଲ୍ଲାେର ମରୁଡ଼ି ଓ ରୋଗପୋକ ଯୋଗୁଁ ଚାଷୀଙ୍କ କ୍ଷୟକ୍ଷତି ହେଲାଣି। ଏହାକୁ ଦୃଷ୍ଟିରେ ରଖି ଧାନ ସଂଗ୍ରହ ବେଳେ ରାଜ୍ୟ ସରକାର ସର୍ବନିମ୍ନ ସହାୟକ ମୂଲ୍ୟ ସହିତ କ୍ବିଣ୍ଟାଲ୍ ପିଛା ୩୦୦ ଟଙ୍କା ଓ କେନ୍ଦ୍ର ସରକାର ୫୦୦ ଟଙ୍କା ଲେଖାଏଁ ଏବଂ ସରକାର କ୍ଷତିଗ୍ରସ୍ତ ହେକ୍ଟର ଜମି ପିଛା ୨୦ ହଜାର ଟଙ୍କା ହିସାବରେ କ୍ଷତିପୂରଣ ପ୍ରଦାନ କରିବାକୁ ଶ୍ରୀ ପଟ୍ଟନାୟକ ଦାବି କରିଛନ୍ତି।