ଭୁବନେଶ୍ୱର: ଅର୍ଥନୀତି ନୋବେଲ ବିଜେତା ଅଭିଜିତଙ୍କ ଦାରିଦ୍ର୍ୟ ଦୂରୀକରଣ ସଂସ୍ଥା ‘ଜେ-ପାଲ୍’ ସହ ଓଡ଼ିଶା ସରକାର ଗୁରୁବାର ବୁଝାମଣା ପତ୍ର ଗୁରୁବାର ସ୍ୱାକ୍ଷର କରିଛନ୍ତି। ବୁଝାମଣା ଅନୁସାରେ ସଂପୃକ୍ତ ସଂସ୍ଥା ରାଜ୍ୟର ଦାଦନ ସମସ୍ୟା ଓ ସ୍ୱାସ୍ଥ୍ୟ କ୍ଷେତ୍ରରେ ଗବେଷଣା ଭିତ୍ତିକ ସହଯୋଗ ତଥା ମହିଳା ସଶକ୍ତିକରଣ, କୃଷି ଉତ୍ପାଦନ ବୃଦ୍ଧି ଉପରେ ଗୁରୁତ୍ୱ ଦେବ। ସେହିପରି ଏହି ସଂସ୍ଥା ଶ୍ରମ, ଶିକ୍ଷା, ସ୍ୱାସ୍ଥ୍ୟ, ମହିଳା ଓ ଶିଶୁକଲ୍ୟାଣ ଯୋଜନାର ମୂଲ୍ୟାୟନ କରିବ। କର୍ଯ୍ୟକ୍ରମର ସୁପରିଚାଳନା ପାଇଁ ସଂସ୍ଥା ସହିତ ଜଡ଼ିତ କର୍ମଚାରୀମାନଙ୍କୁ ଦକ୍ଷତାବୃଦ୍ଧି ତାଲିମ ପ୍ରଦାନ କରାଯିବ।
Sambad is now on WhatsApp
Join and get latest news updates delivered to you via WhatsApp
ବୁଝାମଣା ପତ୍ର ସ୍ୱାକ୍ଷରିତ ହେବା ପରେ ଓଡ଼ିଶା ନୋବେଲ ବିଜେତାଙ୍କ ଜେ-ପାଲର ଅଂଶୀଦାର ହେବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି।
ନୋବେଲ ବିଜେତାଙ୍କ ଜେ-ପାଲର ଅଂଶୀଦାର ହେବ ଓଡ଼ିଶା ।
ଉଦବୋଧନ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।#Odisha #AbhijitBanerjee #NaveenPatnaik #Sambad #ସମ୍ବାଦ #ଓଡ଼ିଶା @CMO_Odisha @Naveen_Odisha @JPAL pic.twitter.com/RYHThCD7mP— Sambad (ସମ୍ବାଦ) (@sambad_odisha) October 31, 2019
ଅଭିଜିତ ବାନାର୍ଜୀ ଏବଂ ଇସ୍ଥର୍ ଡଫ୍ଲୋଙ୍କ ସହ-ସଂସ୍ଥାପିତ ‘ଅବ୍ଦୁଲ୍ ଲତିଫ୍ ଜମୀଲ୍ ପଭର୍ଟି ଆକ୍ସନ୍ ଲ୍ୟାବ୍’ର ଅଂଶୀଦାର ହେବାକୁ ବାହାରିଛି ଓଡ଼ିଶା। ନୀତି ଗଠନ ମାଧ୍ୟମରେ ଦରିଦ୍ରରୁ ଦରିଦ୍ରତମ ଏବଂ ପରୀକ୍ଷାମୂଳକ ଗବେଷଣାଭିତ୍ତିକ ମୂଲ୍ୟାୟନ ସମେତ କେତେକ ସାମାଜିକ କ୍ଷେତ୍ରରେ କରାଯାଇଥିବା ହସ୍ତକ୍ଷେପ ନିମନ୍ତେ ‘ଜେ-ପାଲ୍’ ଗଠିତ ହୋଇଛି।
ବାନାର୍ଜୀ-ଡଫ୍ଲୋ ଦ୍ୱୟ ଆଲ୍ଫ୍ରେଡ୍ ନୋବେଲ୍ଙ୍କ ସ୍ମୃତିରେ ଅର୍ଥନୀତିରେ ନୋବେଲ୍ ପୁରସ୍କାର ଭାବେ ଜଣାଶୁଣା ‘ସ୍ୱେର୍ଗିଜ୍ ରିକ୍ସବ୍ୟାଙ୍କ୍ ପ୍ରାଇଜ୍ ଇନ୍ ଇକୋନମିକ୍ ସାଇନ୍ସେସ୍’ ପ୍ରଦତ୍ତ ହେବା ପରେ ଗୋଟାଏ ଭାରତୀୟ ରାଜ୍ୟ ସହ ଏହା ହେଉଛି ‘ଜେ-ପାଲ୍’ ସହ ପ୍ରଥମ ବ୍ୟାପକ ଅଂଶୀଦାରୀ।