ଭୁବନେଶ୍ବର: ଓଡ଼ିଶା ମୋ ପରିବାର, ଅସହାୟ ମୃତକଙ୍କ ପରିବାର ସହ ସମସ୍ତ ଜଟିଳ ପରିସ୍ଥିତିରେ ଛିଡ଼ା ହୋଇ ସହାୟତାର ହାତ ବଢାଇ ଆସିଛି । ପୁଣି, ଆଜି ଅନ୍ୟ ଏକ ଅସହାୟ ପରିବାର ସଦସ୍ୟଙ୍କୁ ମୃତଦେହ ସ୍ଥାନାନ୍ତର କରିବାରେ ସହାୟତା ଯୋଗାଇ ଦେଲା ଓଡ଼ିଶା ମୋ ପରିବାର ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ପୁରୀ ଜିଲ୍ଲା ବଡ଼ଶଙ୍ଖ ଅଞ୍ଚଳର ୩୫ ବର୍ଷିୟା ବିଷ୍ଣୁପ୍ରିୟା ମିଶ୍ରଙ୍କର କିଡ଼ନୀରେ ପାଣି ଜମିଥିବାରୁ ସେ ଗତ ମେ ୧୬ ତାରିଖରେ ଭୁବନେଶ୍ୱରସ୍ଥିତ ହାଇଟେକ ହସ୍ପିଟାଲରେ ଭର୍ତ୍ତି ହୋଇଥିଲେ । ଦୁର୍ଭାଗ୍ୟବଶତଃ, ଗତ ମେ ୨୬ ତାରିଖ ବିଳମ୍ବିତ ରାତ୍ରିରେ ସେ ଶେଷ ନିଶ୍ଵାସ ତ୍ୟାଗ କରିଥିଲେ । ପରିବାର ସଦସ୍ୟମାନେ ଆର୍ଥିକ ସଙ୍କଟରେ ଥିବାରୁ ବିଷ୍ଣୁପ୍ରିୟାଙ୍କ ମୃତଦେହକୁ ତାଙ୍କ ଗ୍ରାମକୁ ନେବାପାଇଁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟର ଓଡ଼ିଶା-ମୋ ପରିବାର ହେଲ୍ପଡ଼େସ୍କ ସହଯୋଗୀ ବିଶ୍ଵ ମହାନ୍ତିଙ୍କୁ ଅନୁରୋଧ କରି ଓଡ଼ିଶା ମୋ ପରିବାର ମୁଖ୍ୟ କାର୍ଯ୍ୟାଳୟର ହେଲ୍ପଲାଇନ ନମ୍ବର ମାଗିଥିଲେ ଏବଂ ବିଶ୍ଵ ସଙ୍ଗେ ସଙ୍ଗେ ତାଙ୍କୁ ହେଲ୍ପଲାଇନ ନମ୍ବର ଦେଇଥିଲେ । ମୃତକଙ୍କ ପରିବାର ସଦସ୍ୟ ଓଡ଼ିଶା ମୋ ପରିବାର ମୁଖ୍ୟ କାର୍ଯ୍ୟାଳୟକୁ ଯୋଗାଯୋଗ କରି ସହାୟତା ଲୋଡିଥିଲେ ।
ଏ ସମ୍ପର୍କରେ ସୂଚନା ପାଇବା ପରେ ଓଡ଼ିଶା ମୋ ପରିବାର ପକ୍ଷରୁ ତୁରନ୍ତ ପଦକ୍ଷେପ ନିଆଯାଇଥିଲା । ବିଷ୍ଣୁପ୍ରିୟାଙ୍କ ପାର୍ଥିବଶରୀରକୁ ହାଇ-ଟେକ ହସ୍ପିଟାଲରୁ ପୁରୀସ୍ଥିତ ତାଙ୍କ ଗ୍ରାମକୁ ସ୍ଥାନାନ୍ତର କରିବା ପାଇଁ ଯାତାୟାତ ସହାୟତା ଯୋଗାଇ ଦିଆଯାଇଥିଲା । ପୁରୀରେ ପାର୍ଥିବ ଶରୀର ପହଞ୍ଚିବା ପରେ ଓଡ଼ିଶା ମୋ ପରିବାର ଯୁଗ୍ମ ସଂଯୋଜକ ଶ୍ରୀ ଷ୍ଟାଲିନ ପରିଜା ଓ ହେଲ୍ପଡ଼େସ୍କ ସହଯୋଗୀ ସେଠାରେ ଉପସ୍ଥିତ ରହି ପରିବାର ସଦସ୍ୟଙ୍କୁ ସାନ୍ତ୍ଵନା ଦେବା ସହିତ ଶେଷକୃତ୍ୟ ସମ୍ପନରେ ସାହାଯ୍ୟ କରିଥିଲେ ।