ମାଲକାନଗିରି: ଆଜି ସ୍ୱାଭିମାନ ଅଞ୍ଚଳରେ ଥିବା ହନ୍ତାଳଗୁଡ଼ା ବିଏସଏଫ କ୍ୟାମ୍ପକୁ ମାଓବାଦୀ ଦମନ ନେଇ ସ୍ଥିତି ସମୀକ୍ଷା କରିବାକୁ ପହଞ୍ଚିଥିଲେ ଓଡ଼ିଶା ପୁଲିସ ଡିଜି ଅଭୟ। ସେ ଆଇଜି ଅପରେସନ ଅମିତାଭ ଠାକୁର, ଡାଇରେକ୍ଟର ଇଣ୍ଟିଲଜେନସ ଆର. କେ. ଶର୍ମା, ଡିଆଇଜି (ଏସଆଇଡବ୍ଲ୍ୟୁ) ଅନିରୁଦ୍ଧ ସିଂହ, ଏସପି ଋଷିକେଶ ଡି. ଖିଲାରିଙ୍କ ସହ ବୈଠକରେ ଯୋଗ ଦେଇ ମାଓଗଡ଼ରେ ସୁରକ୍ଷା ସ୍ଥିତି ସମୀକ୍ଷା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ହନ୍ତାଳଗୁଡ଼ା ବିଏସଏଫ୍ କ୍ୟାମ୍ପରେ ବୈଠକ ଶେଷ ହେବା ପରେ ଡିଜି ଅଭୟ କହିଛନ୍ତି ଯେ ଏହା ସ୍ୱାଭିମାନ ଅଞ୍ଚଳକୁ ତାଙ୍କର ଦ୍ବିତୀୟ ଗସ୍ତ। ବିଏସଏଫ୍ କ୍ୟାମ୍ପ ସ୍ଥାପନ ପରେ ମାଓବାଦୀଙ୍କ ମନୋବଳ ପୂରା ଦୁର୍ବଳ ହୋଇଯାଇଛି । ତାଙ୍କୁ ଗାଁ ଲୋକେ ସମର୍ଥନ କରୁନାହାନ୍ତି ବୋଲି ପୁଲିସ ଡିଜି ଅଭୟ ପ୍ରକାଶ କରିଛନ୍ତି। ମାଓବାଦୀଙ୍କୁ ଖସିଯିବାରେ ଆଉ ବାଟ ନାହିଁ। ପୁଲିସ ନିକଟରେ ଆତ୍ମସମର୍ପଣ ମାଓବାଦୀମାନଙ୍କର ଶେଷ ରାସ୍ତା ବୋଲି ବି ସେ କହିଛନ୍ତି।