ଜୁନ ପ୍ରଥମ କିମ୍ବା ୨ୟ ସପ୍ତାହରେ ଓଜେଇଇ ପରୀକ୍ଷା
ଭୁବନେଶ୍ବର : ଓଡ଼ିଶାର ବିଭିନ୍ନ ସରକାରୀ ଓ ଘରୋଇ ବୈଶୟିକ ଶିକ୍ଷାନୁଷ୍ଠାନରେ ଇଂଜିନିୟରିଂ, ମ୍ୟାନେଜମେଣ୍ଟ, ବି-ଫାର୍ମ ଓ ଏମ-ଫାର୍ମ ପାଠ୍ୟକ୍ରମରେ ନାମ ଲେଖା ପାଇଁ ଉଦ୍ଦିଷ୍ଟ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା-୨୦୨୨ (ଓଜେଇଇ) ଜୁନ ୧ମ କିମ୍ବା ୨ୟ ସପ୍ତାହ ରେ ଅନୁଷ୍ଠିତ ହେବ । ଏ ନେଇ ଓଜେଇଇ ପକ୍ଷରୁ ଆପାତତଃ ସ୍ଥିର ହୋଇଛି । ଏହି ପରୀକ୍ଷା ପାଇଁ ଅନଲାଇନ ଆବେଦନ ମାର୍ଚ୍ଚ ୧୪ରୁ ଆରମ୍ଭ ହୋଇଥିବାବେଳେ ଏହା ଏପ୍ରିଲ ୧୩ ପର୍ଯ୍ୟନ୍ତ ଚାଲିବ । ଏହି ପରୀକ୍ଷା ଦେବାକୁ ଆଗ୍ରହୀ ଛାତ୍ରଛାତ୍ରୀମାନେ ଓଜେଇଇ ଓ୍ବେବସାଇଟ୍ (www.ojee.nic.in) ରେ ଆବେଦନ କରିପାରିବେ । ଓଜେଇଇ ମାଧ୍ୟମରେ ହେଉଥିବା ପ୍ରବେଶିକା ପରୀକ୍ଷା କମ୍ପ୍ୟୁଟର ଭିତ୍ତିକ ପରୀକ୍ଷା ମାଧ୍ୟମରେ ହେବ ।
Sambad is now on WhatsApp
Join and get latest news updates delivered to you via WhatsApp
ଏଠାରେ ଉଲ୍ଲେଖଯୋଗ୍ୟ ଯେ ସରକାରୀ ନିୟମ ଅନୁସାରେ ରାଜ୍ୟ ବାହାରର ଛାତ୍ରଛାତ୍ରୀମାନେ ଓଡ଼ିଶାର ସରକାରୀ କଲେଜଗୁଡ଼ିକରେ ନାମ ଲେଖାଇପାରିବେ ନାହିଁ କିନ୍ତୁ ସେମାନେ ଘରୋଇ କଲେଜଗୁଡ଼ିକରେ ନାମ ଲେଖାଇପାରିବେ ।