ଅନ୍ଧବିଶ୍ୱାସ: ଡାହାଣୀ ସନ୍ଦେହରେ ବୃଦ୍ଧାଙ୍କୁ ଠେଙ୍ଗାରେ ପିଟି ହତ୍ୟା
ରାଇରଙ୍ଗପୁର: ମୟୁରଭଞ୍ଜ ଜିଲ୍ଲାରେ ଅନ୍ଧବିଶ୍ୱାସ ଓ ଗୁଣି ଗାରେଡିକୁ ନେଇ ହତ୍ୟା ଦିନକୁ ଦିନ ବଢ଼ି ଚାଲିଛି । ଆଜି ଜଣେ ବୃଦ୍ଧାଙ୍କୁ ଡାହାଣୀ ସନ୍ଦେହରେ ହତ୍ୟା କରାଯାଇ ଥିବା ଅଭିଯୋଗ ହୋଇଛି । ମୃତକ ହେଲେ ଗାଙ୍ଗୀ ଜମୁଡ଼ା (୭୦।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ଜାମଦା ଥାନା ତାଳଗାଁ ଗ୍ରାପର ବଡାମତାଳିଆ ଗାଙ୍ଗୀ ଜମୁଡା ଗ୍ରାମର ସ୍କୁଲ ପାଖ ନଳକୂପକୁ ଗାଧେଇବାକୁ ଯାଇଥିବା ସମୟରେ ପଡୋଶୀ ମଦନ ପିଙ୍ଗୁଆ(୬୦) ଏକ ଠେଙ୍ଗା ସାହାଯ୍ୟରେ ପିଟି ହତ୍ୟା କରିଛି । ମଦନର ସ୍ତ୍ରୀ ମାକି ପିଙ୍ଗୁଆ ଗତ ବର୍ଷ ଜର ହେବା ପରେ ମୃତ୍ୟୁବରଣ କରିଥିଲେ । ତେବେ ମଦନ ତାଙ୍କ ସ୍ତ୍ରୀକୁ ଡାହାଣୀ ଖାଇଦେଇଥିବା ସନ୍ଦେହ କରିଥିଲେ ଏବଂ ତାଙ୍କ ପଡୋଶୀ ଗାଙ୍ଗୀଙ୍କୁ ଡାହାଣୀ ସନ୍ଦେହ କରୁଥିଲେ । ତେବେ ଆଜି ଗାଙ୍ଗୀଙ୍କୁ ଏକୁଟିଆ ପାଇ ଠେଙ୍ଗା ସାହାଯ୍ୟରେ ପିଟି ଥିଲା । ଏଥିରେ ଗାଙ୍ଗୀ ଗୁରୁତର ଆହତ ହୋଇଥିଲେ । ପଡୋଶୀ ତାଙ୍କୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଥିଲା । ଜାମଦା ପୁଲିସ ହସ୍ପିଟାଲ ପହଂଚି ଶବ ଜବତ କରିଛି । ଏନେଇ ଜାମଦା ଥାନାରେ ଏକ ମାମଲା ରୁଜୁ ହୋଇଛି ।