ଆଖୁବାଡ଼ିରେ ନିଆଁ ଲଗାଉଥିଲେ, ଜଳିଗଲେ ବୃଦ୍ଧ
ରୁପ୍ସା : ଜଣେ ବୃଦ୍ଧ ବିଲକୁ ଯାଇଥିଲେ। ଅମଳ ସରିଥିବା ବେଳେ ଆଖୁବାଡ଼ିରେ ପଡ଼ିଥିବା ଶୁଖିଲାପତ୍ର ଓ ବର୍ଜ୍ୟଅଂଶରେ ନିଆଁ ଲଗାଉଥିଲେ। ହେଲେ ବିଧି ନିଷ୍ଠୁର ହେଲା। ନିଆଁ ଶୁଖିଲାପତ୍ର ଓ ବର୍ଜ୍ୟଅଂଶ ସହ ସଂପୃକ୍ତ ବୃଦ୍ଧଙ୍କୁ ବି ଜାଳିଦେଲା। ଏପରି ଏକ ହୃଦୟବିଦାରକ ଘଟଣା ଘଟିଛି ବାଲେଶ୍ବର ଜିଲ୍ଲା ସିଂଲା ଥାନା ରଘୁନାଥପୁର ପଞ୍ଚାୟତ ଗିଲାଯୁଡ଼ି ଗ୍ରାମରେ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ; ଗିଲାଯୁଡ଼ି ଗ୍ରାମର କାଳୀଚରଣ ଜେନା (୭୦) ନିଜ ବିଲରେ ଆଖୁ ଚାଷ କରିଥିଲେ। ତେବେ ପରବର୍ତୀ ଚାଷ ପାଇଁ ସେ ଆଜି ବିଲକୁ ସଫା କରିବାକୁ ଯାଇଥିଲେ। ଅମଳ ପରେ ସେଠାରେ ପଡ଼ିଥିବା ଶୁଖିଲାପତ୍ର ଓ ବର୍ଜ୍ୟ ଅଂଶରେ ନିଆଁ ଲଗାଉଥିଲେ। ତେବେ ସେଗୁଡ଼ିକ ଖରାରେ ଶୁଖି ରହିଥିବା ବେଳେ ହଠାତ୍ ନିଆଁ ଚାରିଆଡ଼କୁ ବ୍ୟାପି ଯାଇଥିଲା। ଫଳରେ କାଳୀଚରଣ ନିଆଁ ଭିତରେ ଫସିଯାଇଥିଲେ। ଦେଖୁଦେଖୁ ନିଆଁ ଶୁଖିଲାପତ୍ର ଓ ବର୍ଜ୍ୟଅଂଶ ସହ ସଂପୃକ୍ତ ବୃଦ୍ଧଙ୍କୁ ବି ଜାଳିଦେଇଥିଲା।