ଅଲିଭ୍ ରିଡ୍ଲେଙ୍କ ଗଣଅଣ୍ଡାଦାନ : ୧୮ ବର୍ଷର ରେକର୍ଡ ଟପିଲା
ରାଜନଗର :ଗହୀରମଥାରେ ଅଲିଭରିଡଲେଙ୍କ ଗଣଅଣ୍ଡାଦାନରେ ୧୮ ବର୍ଷର ରେକର୍ଡ ଟପିଛି। ୨୦୦୦-୨୦୦୧ ମସିହା ପରେ ଚଳିତବର୍ଷ ସର୍ବାଧିକ ଅଲିଭ୍ରିଡ୍ଲେ ଗଣଅଣ୍ଡାଦାନ ପ୍ରକ୍ରିୟାରେ ସାମିଲ ହୋଇଛନ୍ତି। ଗହୀରମଥା ଇତିହାସରେ ଏହା ୩ୟ ସର୍ବାଧିକ ଗଣଅଣ୍ଡାଦାନ ବୋଲି ଜଣାପଡିଛି।
Sambad is now on WhatsApp
Join and get latest news updates delivered to you via WhatsApp
୧୯୯୯ ମହାବାତ୍ୟା ପରେ ୧୯୯୯-୨୦୦୦ରେ ୭ଲକ୍ଷ ୧୧ ହଜାର ୫ଶହ ଓ ୨୦୦୦-୨୦୦୧ରେ ୭ଲକ୍ଷ ୪୦ ହଜାର କଇଁଛ ଗଣଅଣ୍ଡାଦାନ ପ୍ରକ୍ରିୟାରେ ସାମିଲ ହୋଇଥିଲେ। ତା’ପରଠାରୁ ଗହୀରମଥାରେ ଅଲିଭ୍ରିଡ୍ଲେଙ୍କ ଗଣଅଣ୍ଡାଦାନ ପକ୍ରିୟା ଆଶାତୀତ ଭାବେ ହ୍ରାସ ପାଇଥିଲା। ଚଳିତବର୍ଷ ଏର୍ପ୍ୟନ୍ତ ସୁଦ୍ଧା ୬ ଲକ୍ଷ ୬୨ ହଜାର ୩୨୦ ଅଲିଭରିଡଲେ ଗଣଅଣ୍ଡାଦାନ ପ୍ରକ୍ରିୟାରେ ସାମିଲ୍ ହୋଇଛନ୍ତି। ଚଳିତ ମାସ ୫ ତାରିଖରେ ୨୦୦, ୬ ତାରିଖରେ ୫୬୪୦, ୭ ତାରିଖରେ ୧,୨୮,୦୦୦, ୮ ତାରିଖରେ୨,୧୬,୦୦୦, ୯ ତାରିଖରେ ୨,୨୩,୦୦୦ ୧୦ ତାରିଖରେ ୮୨ ହଜାର ୨୦୦, ୧୧ ତାରିଖରେ ୭ ହଜାର ୨୮୦ ଅର୍ଥାତ୍ ଗତ ୭ ଦିନରେ ୬,୬୨,୩୨୦ ଅଲିଭ୍ ରିଡ୍ଲେ ଗଣଅଣ୍ଡାଦାନ ପକ୍ରିୟାରେ ସାମିଲ ହୋଇଥିବା ଜଣାପଡ଼ିଛି। ଯାହାକି ଗହୀରମଥା ଇତିହାସରେ ବିରଳ ଅଲିଭ୍ ରିଡ୍ଲେଙ୍କ ଗଣଅଣ୍ଡାଦାନ କ୍ଷେତ୍ରରେ ତୃତୀୟ ସର୍ବାଧିକ ବୋଲି ଜଣାପଡିଛି।