କଟକ: ବିଭିନ୍ନ ସମୟରେ ଖାତା ମୂଲ୍ୟାୟନ ଓ ପରୀକ୍ଷା ବିଭ୍ରାଟକୁ ନେଇ ଚର୍ଚ୍ଚାରେ ରହି ଆସୁଛି ମାଧ୍ୟମିକ ଶିକ୍ଷା ପରିଷଦ ବା ବୋର୍ଡ । ଏନେଇ ଏକ ବଡ ଧରଣର କେଳେଙ୍କାରୀ ଆସିଛି ସାମ୍ନାକୁ । ଏହି କେଳେଙ୍କାରୀଟି ହେଉଛି ନକଲି ସାର୍ଟିଫିକେଟ ବିକ୍ରି ଭଳି ଏକ ସାଙ୍ଘାତିକ ଘଟଣା । ତେବେ ନକଲି ସାର୍ଟିଫିକେଟ ବିକ୍ରି କରିବା ଅଭିଯୋଗରେ ବୋର୍ଡର ଜଣେ କର୍ମଚାରୀ ଗିରଫ ହେବା ପରେ ଏହାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ବୋର୍ଡ କାର୍ଯ୍ୟାଳୟରେ ସୁଇପର ସୁପରଭାଇଜର ବା ଜମାଦାର ଭାବେ କାର୍ଯ୍ୟ କରୁଥିବା ଭ୍ରମରବର ନାୟକ ନାଁରେ ନକଲି ସାର୍ଟିଫିକେଟ ବିକ୍ରି ଅଭିଯୋଗ ଆସିବା ପରେ ଏହି ମାମଲାର ତଦନ୍ତ କରି ମଙ୍ଗଳାବାଗ ପୁଲିସ ଭ୍ରମରବରଙ୍କୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଭ୍ରମରବର ଓଏସ୍ଏସ୍ଟିଇଟି ପରୀକ୍ଷା ଦେଇ ପାସ କରିଥିବା କେନ୍ଦୁଝରର ଦେବାଶିଷ ନାମ ଜଣକୁ ୪୫ ହଜାର ଟଙ୍କା ବଦଳରେ ସାର୍ଟିଫିକେଟ ପ୍ରସ୍ତୁତ କରି ବିକ୍ରି କରିଥିଲେ । ତେବେ ସାର୍ଟିଫିକେଟଟି ନକଲି ବୋଲି ଜାଣିବା ପରେ ଦେବାଶିଷ ଭ୍ରମରବରଙ୍କୁ ଯୋଗାଯୋଗ କରିଥିଲେ। ହେଲେ ସେ ତାଙ୍କୁ ଧରାଛୁଆଁ ଦେଇ ନଥିଲେ। ଫଳରେ ଦେବାଶିଷ ବୋର୍ଡ କର୍ତ୍ତୃପକ୍ଷଙ୍କୁ ଅଭିଯୋଗ କରିବା ପରେ କର୍ତ୍ତୃପକ୍ଷ ମଙ୍ଗଳାବାଗ ଥାନାକୁ ତଦନ୍ତ ପାଇଁ ଚିଠି ଲେଖିଥିଲେ ।
ଅନ୍ୟପଟେ ମଙ୍ଗଳାବାଗ ପୁଲିସ ଏକ ମାମଲା ରୁଜୁ କରି ଭ୍ରମରବରଙ୍କୁ ଗିରଫ କରିବା ସହ ଭ୍ରମରବରକୁ ସାଥିରେ ଧରି ବୋର୍ଡ କାର୍ଯ୍ୟାଳୟରେ ଛାନଭିନ ମଧ୍ୟ କରିଥିଲା । ତେବେ ଭ୍ରମର ଏକାଧିକ ଲୋକଙ୍କୁ ନକଲି ସାର୍ଟିଫିକେଟ ବିକ୍ରି କରି ଥିବା ସନ୍ଦେହ କରାଯାଉ ଥିବା ବେଳେ ଏହା ପଛରେ ଏକ ବଡ ରାକେଟ ଚାଲିଥିବା ମଧ୍ୟ ଆଲୋଚନା ହେଉଛି । ସେପଟେ ଏହି ଅଭିଯୋଗକୁ ବୋର୍ଡ କର୍ତ୍ତୃପକ୍ଷ ଖଣ୍ଡନ କରିବା ସହ ଭ୍ରମରବର ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ପାଇଁ ପ୍ରକିୟା ଆରମ୍ଭ ହୋଇଥିବା କହିଛନ୍ତି ବୋର୍ଡ ସଭାପତି । କଟକ ମଙ୍ଗଳାବାଗ ଥାନାଧିକାରୀ ସୁଧାଂଶୁ ଜେନା କହିଛନ୍ତି, “କେନ୍ଦୁଝରର ଦେବାଶିଷ ନାମକ ଯୁବକର ସାର୍ଟିଫିକେଟ ଭେରିଫିକେଶନ ନିମନ୍ତେ ଆସିଥିଲା । ଯାଂଚ ବେଳେ ସାର୍ଟିଫିକେଟ ନକଲି ବୋଲି ଜଣାପଡିବା ପରେ ବୋର୍ଡ ସେକ୍ରେଟାରୀ ଏନେଇ ଥାନାରେ ଅଭିଯୋଗ କରିଥିଲେ । ସେନେଇ ଘଟଣାର ତଦନ୍ତ କରାଯାଉଛି । ଆଜି ଅଭିଯୁକ୍ତର ଅଫିସ ରୁମ ସର୍ଚ୍ଚ କରାଯାଇଛି ।