ବାଇକ୍‌ ଆରୋହୀଙ୍କ ଉପରେ ଚଢ଼ିଗଲା ଟ୍ରକ୍‌; ଜଣେ ମୃତ, ଅନ୍ୟ ଜଣେ ଗୁରୁତର

ମାଲକାନଗିରି: ମାଲକାନଗିରି ଥାନା ଅନ୍ତର୍ଗତ ୩୨୬ ଜାତୀୟ ରାଜପଥର ଏମଭି-୧୩ ଗ୍ରାମରେ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ମୃତ୍ୟୁବରଣ କରିଥିବା ବେଳେ ଜଣେ ଗୁରୁତର ଆହତ ହୋଇଛି।

ଘଟଣା ଅନୁଯାୟୀ କାଲିମେଳା ପଟରୁ ଏକ ଟ୍ରକ ଦ୍ରୁତଗତିରେ ମାଲକାନଗିରି ଆଡ଼କୁ ଆସୁଥିଲା। ଏମଭି-୧୩ ଗ୍ରାମ ନିକଟରେ ହଠାତ୍ ଏକ ବାଇକ ଟ୍ରକ୍‌ ସାମ୍ନାକୁ ଚାଲିଆସିଥିଲା। ଟ୍ରକ୍‌ ଡ୍ରାଇଭର ବାଇକ ଆରୋହୀ ଦୁଇ ଜଣଙ୍କୁ ବଞ୍ଚାଇବାକୁ ଯାଇ ନକଟସ୍ଥ ଏକ କୋଠା ଘରେ ଧକ୍କା ଦେଇଥିଲେ ମଧ୍ୟ ବାଇକ୍‌ ସହ ଦୁଇ ଜଣ ଆରୋହୀ ଟ୍ରକ୍‌ର ଚକା ତଳେ ପଡିଯାଇଥିଲେ। ଫଳରେ ଟ୍ରକ ଚକା ତଳେ ପଡ଼ି ଜଣେ ଘଟଣାସ୍ଥଳରେ ମୃତ୍ୟୁବରଣ କରିଥିବା ବେଳେ ଆଉ ଜଣେ ଗୁରୁତର ହେବାକୁ ତାଂକୁ ତୁରନ୍ତ ମାଲକାନଗିରି ମେଡିକାଲକୁ ସ୍ଥାନାନ୍ତର କରାଯାଇଥିଲା।

ଟ୍ରକ୍‌ ଡ୍ରାଇଭର ବାଇକ ଆରୋହୀ ଦୁଇ ଜଣଙ୍କୁ ବଞ୍ଚାଇବାକୁ ଯାଇ ନକଟସ୍ଥ ଏକ କୋଠା ଘରେ ଧକ୍କା ଦେଇଥିଲେ ମଧ୍ୟ ବାଇକ୍‌ ସହ ଦୁଇ ଜଣ ଆରୋହୀ ଟ୍ରକ୍‌ର ଚକା ତଳେ ପଡିଯାଇଥିଲେ। ଫଳରେ ଟ୍ରକ ଚକା ତଳେ ପଡ଼ି ଜଣଙ୍କର ମୃତ୍ୟୁ ଘଟିଛି। 

ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି। ତେବେ ବାଇକ୍‌ରେ ବସିଥିବା ଦୁଇ ଜଣ ବ୍ୟକ୍ତି କୋରକୋଣ୍ଡା ଅଂଚଳର ବୋଲି ପୁଲିସ କହିଛି। ତେବେ ସେମାନଙ୍କର ପରିଚୟ ମିଳିନଥିବା ଆଇଆଇସି ରିଗାନ କିଣ୍ଡୋ କହିଛନ୍ତି।