ବଜ୍ରପାତରେ ଜଣେ ମୃତ
ଡୁଡୁକା: ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ୍ ବାବୁଫାସଡ଼ ପଞ୍ଚାୟତ ଝାରବନ୍ଧଲି ଗ୍ରାମରେ ଶୁକ୍ରବାର ବଜ୍ରପାତ ହେବାରୁ ବିଜେକର ଗଡ଼ତ୍ୟା (୪୫ବର୍ଷ)ଙ୍କ ମୃତ୍ୟୁ ଘଟିଛି। ବିଜେକର ଶୁକ୍ରବାର ବଳଦ ଓ ମେଣ୍ଢା ଚରାଇବାକୁ ଯାଇଥିଲେ। ଅପରାହ୍ଣ ପ୍ରାୟ ୪ଟା ବେଳେ ହଠାତ କାଳବୈଶାଖୀ ମାଡ଼ି ଆସିଥିଲା। ସେ ଏକ ଗଛତଳେ ଆଶ୍ରୟ ନେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ବଜ୍ରାପାତ ହେବାରୁ ସେ ଟଳି ପଡ଼ିଥିଲେ। ଗୁରୁତର ଅବସ୍ଥାରେ ତାଙ୍କୁ ଆଗଲପୁର ସିଏଚସିକୁ ଅଣାଯାଇଥିଲା। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆଗଲପୁର ଫାଣ୍ଡି ପୁଲିସ ଶବ ଜବତ କରି ବ୍ୟବଚ୍ଛେଦ ପାଇଁ ବଲାଙ୍ଗୀର ଡାକ୍ତରଖାନା ପଠାଇଛି। ସରପଞ୍ଚ ଜୟନ୍ତୀ ସେଠ ଓ ପିଇଓ ପ୍ରବୀଣ ପାଣିଗ୍ରାହୀ ମୃତକଙ୍କ ପରିବାରକୁ ହରିଶ୍ଚନ୍ଦ୍ର ଯୋଜନାରେ ସହାୟତା ପ୍ରଦାନ କରିଛନ୍ତି।