ଟ୍ରକ ପଛରେ ପିଟି ହେଲା ବାଇକ୍, ଜଣେ ମୃତ
ପାଟଣାଗଡ଼: ବଲାଙ୍ଗୀର ଜିଲ୍ଲା ପାଟଣାଗଡ଼ ବଥର୍ଲା ଛକରେ ଶନିବାର ରାତିରେ ଅଟକି ରହିଥିବା ଏକ ଟ୍ରକ୍କୁ ଏକ ବାଇକ୍ ଦ୍ରୁତ ଗତିରେ ଆସି ପଛପଟୁ ଧକ୍କା ଦେବା ଫଳରେ ଜଣକର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ମୃତକ ଟିକପାଲିର ଚୈତନ୍ୟ ବାରଲେବଡ଼ିଆ ହୋଇଥିବା ବେଳେ ଗୁରୁତର ଦୁଇ ଜଣ ହେଲେ ଭାଟିଶାଳପଡ଼ାର ଗୁରୁବାରୁ ଠେଲା ଓ କାଦୋପଡ଼ାର ଟାଇଗର ଷଣ୍ଢ। ଶନିବାର ରାତିରେ ଏକ ଟ୍ରକ୍ ବଥର୍ଲା ଛକ ନିକଟରେ ଅଟକିଥିଲା। ଏହି ସମୟରେ ବାଇକ୍ (ଓଡି ୦୩ଆର୍-୭୯୨୬)ରେ ଆସୁଥିବା ଚୈତନ୍ୟ, ଗୁରୁବାରୁ ଓ ଟାଇଗର୍ ଭାରସାମ୍ୟ ହରାଇ ଟ୍ରକ୍କୁ ପଛପଟୁ ଧକ୍କା ଦେଇଥିଲେ। ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ପାଟଣାଗଡ଼ ଉପଖଣ୍ଡ ଡାକ୍ତରଖାନାକୁ ଅଣାଯାଇଥିଲା। ମାତ୍ର ଚୈତନ୍ୟଙ୍କୁ ଡାକ୍ତର ମୃତ ଘାଷଣା କରିଥିଲେ।