କଳିଙ୍ଗାଘାଟିରେ କାର୍‌ ସହ ବାଇକ୍‌ ମୁହାଁମୁହିଁ ଧକ୍କା; ଜଣେ ମୃତ, ଦୁଇ ଗୁରୁତର

ଘୁ.ଉଦୟଗିରି: କନ୍ଧମାଳ ଜିଲ୍ଲା କଳିଙ୍ଗାଘାଟିରେ ମଙ୍ଗଳବାର ଅପରାହ୍ନରେ କାର ଏବଂ ବାଇକ୍‌ ମୁଁହାମୁଁହି ଧକ୍କା ହୋଇଛି। ଫଳରେ ବାଇକ ଚାଳକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇ ଜଣ ଆହତ ହୋଇଥିବା ସୂଚନା ମିଳିଛି। ମୃତ ବ୍ୟକ୍ତି ହେଲେ ରଞ୍ଜନ କଁହର।

ସୂଚନାନୁସାରେ ଏକ ବାଇକ୍‌ (ଓଡି ୨୫ ଏନ୍‌ ୮୫୭୮)ରେ ଦୁଇ ଜଣ ଟିକାବାଲିରୁ ଭଞ୍ଜନଗର ଅଭିମୁଖେ ଯାଉଥିବା ବେଳେ ଗଂଜାମ ଜିଲ୍ଲା ଭଞ୍ଜନଗରରୁ ଫୁଲବାଣୀ ଅଭିମୁଖେ ଯାଉଥିବା କାର୍‌ (ଓଆର୍‌ ୦୧ଏସ୍‌ ୫୬୩୬) ସହିତ ମୁଁହାମୁଁହି ଧକ୍କା ହୋଇଥିଲା। ଫଳରେ  ବାଇକ୍‌ ପଛପଟେ ବସିଥିବା ରଞ୍ଜନ କଁହରଙ୍କ ଘଟଣାସ୍ଥଳରେ ମୃତ୍ୟୁ ହୋଇଯାଇଥିଲା। ବିପରୀତ ଦିଗରୁ ଆସୁଥିବା କାର ସହ ଦୁର୍ଘଟଣା ହେବା ଫଳରେ କାର ଚାଳକ ଗୁରୁତର ହେବାରୁ ତାଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ନିଆଯାଇଥିବା ସୂଚନା। ଦୁଇ ବାଇକ୍‌ ଆରୋହୀଙ୍କୁ ଘୁ.ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ୧୦୮ ଆମ୍ବୁଲାନ୍ସ ଯୋଗେ ଅଣାଯାଇଥିଲା। ସ୍ୱାସ୍ଥ୍ୟ କେନ୍ଦ୍ରରେ କାର୍ଯ୍ୟରତ ଡାକ୍ତର ସ୍ୱରୂପ ସାହୁ ବସିଥିବା ବାଇକ୍‌ ଆରୋହୀ ରଞ୍ଜନ କଁହରଙ୍କୁ ମୃତ ଘୋଷଣା କରିଛନ୍ତି। କଳିଙ୍ଗାଘାଟି ଦୁର୍ଘଟଣା ସ୍ଥଳରେ  ପୁଲିସ ଏସଆଇ କେ.କାମରାଜୁ ରେଡ୍ଡୀ ଏବଂ ଏଏସଆଇ ରବୀନ୍ଦ୍ର ନାଥ ସେଠି ଓ ବୁଲୁ ବେହେରା ପହଞ୍ଚି ତଦନ୍ତ କରିଛନ୍ତି।