ଭିଣୋଇର ଟାଙ୍ଗିଆ ଚୋଟରେ ଶଳାର ପ୍ରାଣ ଗଲା

0

ତାଟୋ : ଜଣେ ସଂପର୍କୀୟ ଭିଣୋଇର ଟାଙ୍ଗିଆ ଚୋଟରେ ଶଳାର ପ୍ରାଣ ଯାଇଛି। ମୃତ ଶଳା ହେଉଛନ୍ତି ଯଶିପୁର ଥାନା ଗୁଡ଼ୁଗୁଡ଼ିଆ ଗାଁର ଶଙ୍କର ଦେହୁରୀ(୩୫)। ଆଜି ମଧ୍ୟାହ୍ନରେ ଏପରି ଅଭାବନୀୟ ଘଟଣା କରଞ୍ଜିଆ ବ୍ଲକ୍‌ ବାଟପଳସା ପଞ୍ଚାୟତ ଅନ୍ତର୍ଗତ ଶିଆଳିନଈ ଗାଁରେ ଘଟିଛି। ଅନ୍ୟପଟେ ମୃତ ଶଙ୍କରଙ୍କ ପରିବାର ଲୋକଙ୍କ ମାଡ଼ରେ ଭିଣୋଇ ଚିରୁ ଦେହୁରୀ(୫୦) ଗୁରୁତର ହୋଇ କରଞ୍ଜିଆ ମେଡିକାଲରେ ଭର୍ତ୍ତି ହୋଇଛନ୍ତି। ଘଟଣାରୁ ପ୍ରକାଶ, ଯଶିପୁର ଥାନା ଗୁଡ଼ୁଗୁଡ଼ିଆ ଗ୍ରାମର ଶଙ୍କର ପ୍ରାୟ ୧୫ ଦିନ ତଳେ ଆସି ଭିଶୋଇ ଚିରୁଙ୍କ ଶିଆଳିନଈ ଘରେ ରହି ଜଙ୍ଗଲରୁ ମହୁ ସଂଗ୍ରହ କରୁଥିଲେ। ତେବେ କୌଣସି କାରଣରୁ ଆଜି ଚିରୁ ଏକ କାଠ କଟା ଟାଙ୍ଗିଆରେ ଶଙ୍କରଙ୍କୁ ଚୋଟ ମାରିଥିଲେ। ଘଟଣାସ୍ଥଳରେ ଶଙ୍କରଙ୍କ ପ୍ରାଣବାୟୁ ଉଡ଼ି ଯାଇଥିଲା। ଖବରପାଇ ମୃତ ଶଙ୍କରଙ୍କ ପତ୍ନୀ, ପୁଅ ଓ ପୁଅଙ୍କ ଶଳା ପହଞ୍ଚି ଘଟଣା ସଂପର୍କରେ ଜାଣିବା ପରେ ଚିରୁକୁ ନିସ୍ତୁକ ମାଡ଼ ମାରିଥିଲେ। ଫଳରେ ସେ ଗୁରୁତର ହୋଇଥିଲେ। ତାକୁ କରଞ୍ଜିଆ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣା ପଛର କାରଣ ଜଣାପଡ଼ିନି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.