ବୋଲେରୋ ଧକ୍କାରେ ଜଣେ ମୃତ
ପାଟଣା: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ନିକଟସ୍ଥ ଝାରବେଡ଼ାରେ ବୋଲେରୋ- ବାଇକ ମୁହାଁମୁହିଁ ଧକ୍କା ହେବା ଯୋଗୁଁ ବାଇକ ଆରୋହୀଙ୍କର ମୃତ୍ୟୁ ଘଟିଛି। ମୃତକ ବାଇକ ଆରୋହୀ ହେଲେ ପାଟଣା ଥାନା ଗୋରାଣ୍ଡିଯୋଡ଼ି ଗ୍ରାମର ସୁରେନ୍ଦ୍ର ଦଳେଇ(୫୫) । ସେ ବାଇକରେ କରଞ୍ଜିଆ ଅଭିମୁଖେ ଯାଉଥିଲା ବେଳେ ଅପରପକ୍ଷରୁ ଆସୁଥିବା ଏକ ବୋଲେରୋ ସହ ମୁହାଁମୁହିଁ ଧକ୍କା ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଗୁରୁତର ଅବସ୍ଥାରେ ତାଙ୍କୁ କରଞ୍ଜିଆ ଡାକ୍ତରଖାନାକୁ ନିଆଯାଇଥିଲାବେଳେ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ଏ ନେଇ ତୁରୁମୁଙ୍ଗା ଥାନାରେ ଏକ ଦୁର୍ଘଟଣା ମାମଲା ରୁଜୁ କରାଯାଇ ତଦନ୍ତ ଅବ୍ୟାହତ ଥିବା ଥାନା ଅଧିକାରୀ ମଦନ ମୋହନ ନାୟକ ପ୍ରକାଶ କରିଛନ୍ତି।