ପାଣିରେ ବୁଡି ବୃଦ୍ଧାର ମୃତ୍ୟୁ
ଡାବୁଗାଁ: ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅନ୍ତର୍ଗତ ହଳଦି ଗ୍ରାମର ଦଇମତି ଗୌଡ (୫୦) ଆଜି ଗାଧୋଇବାକୁ ଯାଇ ଏକ ନାଳ ପାଣିରେ ବୁଡ଼ି ମୃତ୍ୟୁ ବରଣ କରିଛି । ଏ ନେଇ ମୃତ ଦଇ ମତିର ସ୍ଵାମୀ ମହେଶ୍ୱର ଭତରା ଡାବୁଗାଁ ଥାନାରେ ଏତଲା ଦେବା ପରେ ପୋଲିସ ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ଆଜି ସକାଳ ପ୍ରାୟ ସାତ ଘଣ୍ଟ ସମୟରେ ହଳଦି ଗ୍ରାମର ବୃଦ୍ଧା ଦଇ ମତି ଭତରା (୫୦) ନିକଟ ଚିକିଲି ଯୋଡ଼ି ନାଳରେ ଗାଧୋଇବାକୁ ଯିବି କହି ଯାଇଥିଲା । କିନ୍ତୁ ବହୁ ସମୟ ଧରି ଦଇ ମତି ଘରକୁ ନ ଫେରିବାରୁ ମହେଶ୍ୱର ଚିକିଲି ଯୋଡ଼ି ନାଳ ନିକଟରେ ଦିନ ଦଶ ଘଣ୍ଟ ସମୟରେ ଆସି ଦେଖିବା ବେଳକୁ ନାଳ ର ପାଣି ଭିତରେ ତାର ଶରୀର ଦିଶୁଥିଲା । ନିକଟ କୁ ଆସି ଦେଖିବା ବେଳକୁ ଦଇ ମତିର ମୃତ୍ୟୁ ଘଟିଥିବା ଜାଣି ପାରିଥିଲା । ଏ ନେଇ ମହେଶ୍ୱର ଡାବୁଗାଁ ଥାନାରେ ଏତଲା ଦେବା ପରେ ପୋଲିସ ଶବ ଜବତ କରି ଏକ ଅପମୃତ୍ୟୁ ମାମଲା କେଶ ନ ୧୦/୨୦ ରେ ରୁଜୁ କରିବା ସହ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଥିଲେ । ମୃତ୍ୟୁ ର କାରଣ ଅସ୍ପଷ୍ଟ ଥିବା ବେଳେ ପୋଲିସ ଏଏସ୍ଆଇ ସୋଲେମାନ ଭୂୟାଁ ଘଟଣାର ତଦନ୍ତ କରୁଛନ୍ତି ।