ସରକାରୀ ଜମିକୁ ନେଇ ଦୁଇ ପରିବାର ମଧ୍ୟରେ ସଂଘର୍ଷ, ଜଣେ ମୃତ
ଖୁଣ୍ଟୁଣି: କଟକ ଜିଲ୍ଳା ଅନ୍ତର୍ଗତ ଖୁଣ୍ଟୁଣି ଥାନା ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା। ଏଠାରେ ଜମି ବିବାଦକୁ କେନ୍ଦ୍ରକରି ୨ ପରିବାର ମଧ୍ୟରେ ସଂଘର୍ଷ ଘଟି ଗୋଟିଏ ପରିବାରର ଠେଙ୍ଗା ମାଡ଼ରେ ଅନ୍ୟ ଏକ ପରିବାରର ଜଣଙ୍କର ମୃତ୍ୟୁ ହୋଇଥିବା ଜଣାଯାଇଛି।
ମିଳିଥିବା ସୂଚନା ଅନୁଯାୟୀ, ଖୁଣ୍ଟୁଣି ଥାନା ଅନ୍ତର୍ଗତ ଧୁରୁସିଆ ଗାଁରେ ଏକ ସରକାରୀ ଜମିରେ ଶରତ ସାହୁ ଓ ଗୟାଧର ରାଉତଙ୍କ ପରିବାର ଧାନ ଖଳା ତିଆରି କରି ତାର ବ୍ୟବହାର କରୁଥିଲେ। ହେଲେ ଏମାନଙ୍କ ଭିତରୁ ଗୋଟିଏ ପରିବାର ପକ୍ଷରୁ ସରକାରୀ ଜମିରେ ବାଡ଼ ଘେରାଯାଇଥିଲା। ଏହାକୁ ଆର ପରିବାରର ଲୋକେ ବିରୋଧ କରିଥିଲେ। ଏହାଫଳରେ ବିବାଦ ତୀବ୍ର ରୂପ ଧାରଣ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଗତକାଲି ଉଭୟ ପରିବାର ମଧ୍ୟରେ ମାଡ଼ଗୋଳ ହୋଇଥିଲା। ଏଥିରେ ଶରତ ସାହୁଙ୍କ ପରିବାର ଲୋକେ ଗୟାଧର ରାଉତଙ୍କ ଉପରକୁ ଆକ୍ରମଣ କରିଥିଲେ। ଏହାଫଳରେ ଘଟଣାସ୍ଥଳରେ ହିଁ ରାତି ପ୍ରାୟ ସାଢେ ୧୧ଟା ବେଳେ ଗୟାଧର ରାଉତ(୫୦)ଙ୍କର ମୃତ୍ୟୁ ଘଟିଥିଲା। ଖବର ପାଇ ଆଜି ସକାଳେ ଘଟଣାସ୍ଥଳରେ ଖୁଣ୍ଟୁଣି ଥାନା ପୁଲିସ ପହଞ୍ଚି ଅନୁସନ୍ଧାନ ଆରମ୍ଭ କରିଛି।