ଟ୍ରେନ୍ରେ କଟି ଜଣେ ମୃତ
ରାମଚନ୍ଦ୍ରପୁର : ଘସିପୁରା ବ୍ଲକ୍ ପଣ୍ତୁଆ ଗ୍ରାମର ବିଶ୍ବମୋହନ ଚକ୍ର (୫୨) ଟ୍ରେନ୍ରେ କଟି ପ୍ରାଣ ହରାଇଛନ୍ତି। ବିଶ୍ବମୋହନ ଦୁଇଦିନ ତଳୁ ଘରୁ କେଉଁଆଡ଼େ ଚାଲି ଯାଇଥିଲେ। ପରିବାର ଲୋକେ ବହୁ ଖୋଜାଖୋଜି କରିବା ପରେ ତାଙ୍କର କୌଣସି ସନ୍ଧାନ ନ ମିଳିବାରୁ ସାଇଁକୁଳ ଫାଣ୍ତିରେ ଏତଲା ଦେଇଥିଲେ। ଆଜି ସକାଳେ ଯାଜପୁର ଜିଲ୍ଲା କୋରେଇ ଥାନା ପାଟୁଳି ଛକ ନିକଟ ରେଳଧାରଣାରେ ତାଙ୍କ ଶବ ପଡ଼ିଥିବା ଦେଖି ସ୍ଥାନୀୟ ଲୋକେ ରେଳବାଇ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହ ଜବତ କରିଛି।