ଖୁଣ୍ଟା/ଉଦଳା-୧/କୁଆମରା : ଯେତେ ସଚେତନ କଲେ ବି ଅନ୍ଧବିଶ୍ବାସର ବୁଢ଼ିଆଣୀ ଜାଲରେ ଛନ୍ଦି ହୋଇ ଯାଉଛନ୍ତି ମୟୂରଭଞ୍ଜର ବନବାସୀ। ଡାଆଣୀ, ଝଡ଼ାଫୁଙ୍କା, ଗୁଣିଗାରେଡ଼ି ଭଳି ଅନ୍ଧବିଶ୍ବାସ ଯୋଗୁଁ ବହୁ ଜୀବନ ଅକାଳରେ ଯାଉଛି। ତଥାପି ଲୋକଙ୍କ ମାନସିକତାରେ କିଛି ପରିବର୍ତ୍ତନ ହେଉନି। ଏଭଳି ଏକ ସମ୍ବେଦନଶୀଳ ଘଟଣା ଦେଖିବାକୁ ମିଳିଛି ଖୁଣ୍ଟା ଥାନା କରକଚିଆ ପଞ୍ଚାୟତ ଟିକରପଡ଼ା ଗ୍ରାମରେ। ପରିବାରର ଅନ୍ଧବିଶ୍ବାସ ଯୋଗୁଁ ମାସକର ଶିଶୁକନ୍ୟାକୁ ଗରମ ଚେଙ୍କର ଦାରୁଣ କଷ୍ଟ ଭୋଗିବାକୁ ପଡିଛି।
Sambad is now on WhatsApp
Join and get latest news updates delivered to you via WhatsApp
ଟିକରପଡ଼ା ଗ୍ରାମର ମୁଚିରାମ ମୁର୍ମୁଙ୍କ ମାସକର ଶିଶୁକନ୍ୟାର ପେଟ ବ୍ୟଥା ହୋଇଥିଲା। ରୋଗ ଉମଶମ ପାଇଁ ଶିଶୁକନ୍ୟାର ମାମୁ ଝିଅଟିର ପେଟରେ ଗରମ ଚେଙ୍କ ଦେଇଥିଲେ। ତେବେ ଶିଶୁଟି ଗତ ବୁଧବାର ଦିନ ଅସୁସ୍ଥ ହୋଇପଡ଼ିବା ପରେ ପରିବାର ଲୋକେ ତାକୁ ଆଣି ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତରଙ୍କ ଚିକିତ୍ସା ବେଳେ ହିଁ ଚେଙ୍କ ଘଟଣା ଲୋକଲୋଚନକୁ ଆସିଥିଲା। ଶିଶୁଟିର ସ୍ବାସ୍ଥ୍ୟବସ୍ଥା ବର୍ତ୍ତମାନ ସ୍ଥିର ଥିବା ଶିଶୁରୋଗ ବିଶେଷଜ୍ଞ ଡା. ଲକ୍ଷ୍ମୀକାନ୍ତ ପତି କହିଛନ୍ତି।