ସୁସ୍ଥ ହେବା ପରେ କରୋନା ଆକ୍ରାନ୍ତଙ୍କ ମୃତ୍ୟୁ, ପଶ୍ଚିମବଙ୍ଗରୁ ଆସି ଓଡ଼ିଶାରେ ଚିକିତ୍ସିତ ହେଉଥିଲେ ୭୦ବର୍ଷୀୟ ରୋଗୀ
୪୯ ଜଣ ସକ୍ରିୟ ଆକ୍ରାନ୍ତଙ୍କ ଚିକିତ୍ସା ଜାରି
ଭୁବନେଶ୍ୱର: ଓଡ଼ିଶାରେ କରୋନାରୁ ସୁସ୍ଥ ହେବା ପରେ ଜଣେ ରୋଗୀଙ୍କ ମୃତ୍ୟୁ ହୋଇଛି । ମୃତକ ଜଣକ ପଶ୍ଚିମବଙ୍ଗର ମେଦିନପୁର ଅଞ୍ଚଳର ଓ ସେ ବହୁବିଧ ସ୍ବାସ୍ଥ୍ୟ ସମସ୍ୟା ହେତୁ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ତାଙ୍କର ଏକାଧିକ ଅଙ୍ଗପ୍ରତ୍ୟଙ୍ଗ ଅଚଳ ହୋଇପଡ଼ିଥିବାରୁ ଆଜି ସକାଳେ ମୃତ୍ୟୁ ଘଟିଛି। କ୍ୟାନସରରେ ପୀଡ଼ିତ ଏହି ରୋଗୀଙ୍କର ଅସ୍ତ୍ରୋପଚାର କରାଯାଇଥିଲା। ରାଜ୍ୟ ସରକାରଙ୍କ ସୂଚନା ଅନୁଯାୟୀ, ଏହି ରୋଗୀଙ୍କର ମୃତ୍ୟୁ କ୍ୟାନସରରେ ହୋଇଛି। ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗଚୀ ଏହା ସ୍ପଷ୍ଟ କରିଛନ୍ତି। ଫଳରେ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୧ରେ ସୀମିତ ରହିଛି।
Sambad is now on WhatsApp
Join and get latest news updates delivered to you via WhatsApp
Covid positive Case No. 44
Patient was a resident of West Bengal, had previously been operated at a private hospital in Bhubaneswar for pituitary tumor.Recently he had come for follow up treatment to the same hospital, where he was detected as Covid positive.
— I & PR Department, Odisha (@IPR_Odisha) April 21, 2020
ରାଜ୍ୟର ୪୪ ତମ ଆକ୍ରାନ୍ତ ବ୍ୟକ୍ତି ପଶ୍ଚିମବଙ୍ଗରୁ ଆସି ଏକ ଘରୋଇ ହସ୍ପିଟାଲରେ ଚିକିତ୍ସା ହେବା ସମୟରେ କରୋନା ପଜିଟିଭ ଚିହ୍ନଟ ହୋଇଥିଲା । ଏହାପରେ ସେ ସୁସ୍ଥ ହୋଇଥିଲେ । ତାଙ୍କର କ୍ରମାଗତ ଭାବେ ଦୁଇ ଥର ନମୁନା ପରୀକ୍ଷା ହୋଇଥିଲା ଓ ସେ କରୋନା ନେଗେଟିଭ୍ ବୋଲି ସ୍ପଷ୍ଟ ହୋଇଥିଲା। ମାତ୍ର ସେ କର୍କଟ ରୋଗରେ ମଧ୍ୟ ପୀଡ଼ିତ ଥିବାରୁ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇ ନ ଥିଲା । ଆଜି ସକାଳୁ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଯେହେତୁ ସେ କରୋନାରେ ମୃତ୍ୟୁବରଣ କରିନାହାନ୍ତି ତେଣୁ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୧ରେ ଅପରିବର୍ତ୍ତିତ ରହିଛି। ଏବେ ୪୯ ଜଣ ସକ୍ରିୟ ରୋଗୀଙ୍କ ଚିକିତ୍ସା ଜାରି ରହିଛି ।