ହଜିଲା ଶିଶୁପୁତ୍ର ମିଳିଲା: ୫୦ ହଜାର ଟଙ୍କାରେ ବିକ୍ରି କରିଥିଲା ବାପା, ଅଭିଯୁକ୍ତ ଗିରଫ
ଭୁବନେଶ୍ୱର: ରାଜଧାନୀ ଭୁବନେଶ୍ୱରର ଜଣେ ୧ ବର୍ଷର ଶିଶୁପୁତ୍ର ନୟାଗଡ଼ରୁ ଉଦ୍ଧାର ହୋଇଛି । ଶିଶୁପୁତ୍ରକୁ ତା’ର ବାପା ୫୦ ହଜାର ଟଙ୍କାରେ ବିକ୍ରି କରିଥିବା ଅଭିଯୋଗ ହୋଇଛି । ତେବେ ପୁଲିସ ଅଭିଯୁକ୍ତ ଧରମ ବାପାକୁ ନୟାଗଡ଼ରୁ ଗିରଫ କରିଥିବା ବେଳେ ଶିଶୁିର ପ୍ରକୃତ ବାପା ଫେରାର ହୋଇଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଭୁବନେଶ୍ୱରର ନୟାପଲ୍ଲୀ ଅଂଚଳର ଅଭିଯୁକ୍ତ ବାପା ନୟାଗଡ଼ ଅଂଚଳର ଶ୍ରୀନିବାସ ଜେନା ନାମରେ ଜଣେ ବ୍ୟକ୍ତିଙ୍କୁ ୫୦ ହଜାର ଟଙ୍କାରେ ବିକ୍ରି କରିଥିଲା । ଶିଶୁପୁତ୍ର ନିଖୋଜ ହେବା ନେଇ ମା’ ଥାନାରେ ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ ପୋଲିସ ଅଭିଯୁକ୍ତ ଧରମ ବାପା ଶ୍ରୀନିବାସକୁ ଗିରଫ କରିଛି ।
ଆଇନ ଅନୁସାରେ ଶିଶୁକୁ କିଣିବା ଅଥବା ବିକିବା ଅପରାଧ କାମ । କିନ୍ତୁ ସୈତାନ ବାପା ଆଇନକୁ ନଡରି ନିଜର ଏକ ବର୍ଷର ଶିଶୁପୁତ୍ରକୁ ଅନ୍ୟ ହାତରେ ଟେକି ଦେଇଥିଲା । ତା ପାଇଁ ପୁତ୍ରର ବାତ୍ସଲ୍ୟ ପ୍ରେମ ବଡ଼ ଥିଲା । ୫୦ ହଜାର ଟଙ୍କା ପାଇଁ ସେ ଏଭଳି କାମ କରିଥିବା ଅଭିଯୋଗ ହୋଇଛି । ପୁଲିସ ଘଟଣାର ତଦନ୍ତ କରୁଥିବା ବେଳେ ପୁତ୍ର ଉଦ୍ଧାର ହୋଇଥିବାରୁ ମା’ ବହୁତ ଖୁସି ଅନୁଭବ କରୁଛନ୍ତି ।