ବେଆଇନ୍ ଧର୍ମଘଟକୁ ପ୍ରୋତ୍ସାହନ ଦେଲେ ୧ ବର୍ଷ ଜେଲ ଦଣ୍ଡ ଅଥବା ୫ ହଜାର ଟଙ୍କା ଜରିମାନା
ଭୁବନେଶ୍ୱର: ଓଡ଼ିଶା ଅତ୍ୟାବଶ୍ୟକ ସେବା ସଂଶୋଧନ ବିଲ୍ ଆଜି ଓଡ଼ିଶା ବିଧାନସଭାରେ ପାରିତ ହୋଇଯାଇଛି। ଏହି ଆଇନ୍ ଅନୁଯାୟୀ ଯଦି କୌଣସି ବ୍ୟକ୍ତି ବେଆଇନ୍ ଧର୍ମଘଟକୁ ପ୍ରୋତ୍ସାହନ ଦିଅନ୍ତି ତା’ହେଲେ ସଂପୃକ୍ତ ବ୍ୟକ୍ତିଙ୍କୁ ୧ ବର୍ଷ ଜେଲ ଦଣ୍ଡ ଅଥବା ୫ ହଜାର ଟଙ୍କା ପର୍ଯ୍ୟନ୍ତ ଜରିମାନା ମଧ୍ୟ ହୋଇପାରେ। ସେହିପରି ଧର୍ମଘଟକୁ ସମର୍ଥନ କରି ଆର୍ଥିକ ସହଯୋଗ କଲେ ସଂପୃକ୍ତ ବ୍ୟକ୍ତି ମଧ୍ୟ ଦଣ୍ଡିତ ହେବେ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ରାଜ୍ୟ ସରକାର ଅଗ୍ନିନିରାପତ୍ତା, ଜଙ୍ଗଲ, ଜେଲ ସଂସ୍କାର, ଅବକାରୀ, ଇଲେକଟ୍ରୋନିକ, ସୂଚନା ଓ ଯୋଗଯୋଗକୁ ଅତ୍ୟାବଶ୍ୟକ ସେବା ଭାବେ ବିବେଚନା କରିଛନ୍ତି।
ଜାଣନ୍ତୁ ବିଧେୟକରେ କ’ଣ ରହିଛି
-ଏହି ଅଧିନିୟମକୁ ଓଡ଼ିଶା ଅତ୍ୟାବଶ୍ୟକ ସେବା (ରକ୍ଷଣାବେକ୍ଷଣ) ସଂଶୋଧନ ଅଧିନିୟମ, ୨୦୨୦ ଭାବେ ଅବିହିତ କରାଯାଇପାରେ।
-ଓଡ଼ିଶା ଅତ୍ୟାବଶ୍ୟକ ସେବା ରକ୍ଷଣାବେକ୍ଷଣ) ଅଧିିନିୟମ, ୧୯୮୮ (ଯାହାକି ଏଠାରେ ମୂଳ ଅଧିନିୟମ ଭାବେ ସ୍ୱୀକୃତ)ର ପରିଚ୍ଛେଦ-୨ ଅନ୍ତର୍ଗତ ଧାରା-‘କ’ର ଉପଧାରା-(iv) ପରେ ନିମ୍ନେକ୍ତ ଉପଧାରା ଗୁଡ଼ି ସଂଯୁକ୍ତ ହେବ।
-ଅଗ୍ନି ନିରାପତ୍ତା, ସାଧାରଣ ଶୃଙ୍ଖଳା ତଥା ଜନସାଧାରଣଙ୍କ ସୁରକ୍ଷା ଓ ନିରାପତ୍ତା ସହ ଜଡ଼ିତ ଯେ କୌଣସି ସେବା।
-ଖାଦ୍ୟ ଶସ୍ୟ କ୍ରୟ, ସଂଗ୍ରହ, ସଂରକ୍ଷଣ, ଯୋଗାଣ ଓ ବଣ୍ଟନ କାର୍ଯ୍ୟରେ ସଂପୃକ୍ତ ରାଜ୍ୟ ସରକାରଙ୍କ ମାଲିକାନାଭୁକ୍ତ ଓ ନିୟନ୍ତ୍ରଣାଧୀନ ଯେ କୌଣସି ସଂସ୍ଥା, ଉଦ୍ୟୋଗ ଅଥବା ଏଜେନ୍ସି ଦ୍ୱାରା ଯେ କୌଣସି ସେବା
-ଇଲୋକ୍ଟ୍ରୋନିକ ଏବଂ ସୂଚନା ଓ ଯୋଗାଯୋଗ ସହ ଜଡ଼ିତ ରାଜ୍ୟ ସରକାରଙ୍କ ନିୟନ୍ତ୍ରଣାଧୀନ କୌଣସି ସଂସ୍ଥା, ଉଦ୍ୟୋଗ ଅଥବା ଏଜେନ୍ସି ଯୋଗାଇ ଦେଉଥିବା ସେବାରେ ବ୍ୟାଘାତ ସୃଷ୍ଟି ହୋଇ ସାଧାରଣ ପ୍ରଶାସନ ବିପନ୍ନ ହେଉଥିବା ପରି ସେବା।
-ଯଦି ସରକାରଙ୍କ ବିଚାରରେ, ଅନ୍ୟ ଯେ କୌଣସି ସେବା କିମ୍ବା ପ୍ରସଙ୍ଗରେ ଧର୍ମଘଟ କାରଣରୁ କୌଣସି ଲୋକ ଉପଯୋଗୀ ସେବା ଓ ସାଧାରଣ ସୁରକ୍ଷା ବିପନ୍ନ ହୁଏ, ସେହି ସେବାଗୁଡ଼ିକ ସରକାରୀ ଗେଜେଟ ମାଧ୍ୟମରେ ଅତ୍ୟାବଶ୍ୟକ ସେବା ଭାବେ ଅଧିସୂଚିତ ହେବେ।