ଲାପ୍ଟପ୍ ଚୋରକୁ ବର୍ଷେ ଜେଲ୍
ରାଉରକେଲା: ଏକ ଲାପ୍ଟପ୍ ଚୋରି ମାମଲାର ଶୁଣାଣୀ କରି ବିଚାରପତି ଜଣେ ଚୋରକୁ ବର୍ଷେ ଜେଲ୍ଦଣ୍ଡ ସହ ୫ ହଜାର ଟଙ୍କା ଦଣ୍ଡରେ ଦଣ୍ଡିତ କରିଛନ୍ତି। ଜରିମାନା ଅନାଦେୟ ଅଧିକ ଦୁଇ ମାସ ଜେଲଦଣ୍ଡ ଭୋଗିବାକୁ ନିର୍ଦ୍ଦେଶ ଦେଇଛନ୍ତି। ସେକ୍ଟର-୧୫ ଥାନାର ମିହିର ବେହୁରା ଓ ଅନ୍ୟ ୭ ସାକ୍ଷୀଙ୍କ ତଥ୍ୟ ଓ ବୟାନ ଆଧାରରେ ବିଚାରପତି ଶ୍ରୀ ଉମାକାନ୍ତ ବେହେରା ଏହି ରାୟ ଶୁଣାଇଛନ୍ତି। ସରକାରୀ ଓକିଲ ଅକ୍ଷୟ ସାହୁ ମାମଲା ପରିଚାଳନା କରୁଥିଲେ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସେକ୍ଟର-୧୭, ଏ -୧୯୨ କ୍ବାର୍ଟର୍ସରେ ରହନ୍ତି ପ୍ରଶାନ୍ତ କୁମାର ଦାସ ପରିବାର ସହ ରହନ୍ତି। ଗତ ଫେବୃ୍ଆରି ୨୫ ତାରିଖରେ ତାଙ୍କ କ୍ବାର୍ଟର୍ସରେ ପଶି ରାକେଶ ବାଗ୍ ନାମକ ଜଣେ ଯୁବକ ଲାପ୍ଟପ୍ ଚୋରି କରି ଫେରାର ହୋଇଯାଇଥିଲେ। ପ୍ରଶାନ୍ତଙ୍କ ଝିଅ ଶ୍ବେତା ଦାସ ଏ ସଂକ୍ରାନ୍ତରେ ସେକ୍ଟର-୧୫ ଥାନାରେ ଲିଖିତ ଏତଲା ଦେଇଥିଲେ। ପୁଲିସ ସେକ୍ଟର-୧୬ ସର୍ଭେଣ୍ଟ କ୍ବାର୍ଟର୍ସରୁ ରାକେଶକୁ ଗିରଫ କରି କୋର୍ଟ ଚାଲାଣ କରିଥିଲା।